top of page
Search
  • Writer's pictureMaulolo Fata Ueligitone Malifa

Tala i vaifanua o Sini NSW Ausetalia 30 Me 2021

The new normal

O le ta’utinoga maumautūtū a Ofisa o le Matagaluega Soifua Maloloina a Ausetalia,o

le Fa’ama’i COVID-19,o le a tumau pea,e avea ma gasegase masani o le soifuaga,i

totonu o Ausetalia nei,mo tausaga e tele o lumana’i.Saunoa Porofesa Nancy Baxter,sa i

ai le lagona fa’apea o le ā toe fo’i Ausetalia,i le olaga masani o aso faiso’o,leai se toe

popole i le COVID-19.Fa’amatalaina fo’i e le’i matuā a’afia tele Ausetalia i le Fa’ama’i talu

ona osofa’ia le atunu’u,i le amataga o le 2020,e i ai pitonu’u ma itūmalo e le’i sosolo

atu i ai le Fa’ama’i,ae le o toe to’atele fo’i nisi o fa’ata’otolia i falema’i,i le atunu’u

atoa.Pau le fa’ailoga va’aia o le COVID-19,i so’o se nofoaga i le taimi nei,o le fagu

vaila’au(sanitiser)i le faitoto’a o le Supamaketi,fale inu kofe ma le faleaiga,ae ui

i lea,e le o toe umi ae mou atu lea va’aiga,sa pei o sau mau tauave i taimi uma,e tuua ai

lou maota.Ua leotele a’e fo’i le taufonō,e tatala uma tuāoi o Ausetalia mo faiga

malaga a le lalolagi,e ui o lo’o tumau pea le lagona popole,fefe ma le lē mautonu,ne’i

toe fa’apōia i ofaga le atunu’u,i le toe mapuna a’e o le COVID-19,ma pisia ai se

to’atele o le atunu’u.Fa’aalia mautinoa e i latou o lo’o taulamua i Sailiga Fa’asoifua

maloloina,e le masalomia,le tumau pea o le Fa’ama’i COVID-19 i le olaga.


Alarm over the weapon in the bag

O faleaoga ma Aoga o nofoaga mo A’oa’oga,ae ua toe alia’e mai fo’i le mauaina

o naifi i totonu o ato a’oga a fanau.Tusitusiga a Christopher Harris o le

Daily Telegraph Aso Faraile 21 Me 2021,fa’amatalaina le tamaiti’iti Aoga

Tulagalua-Primary School,na mauaina le tama’i naifi i lana ato a’oga,i le vaiaso ua

mavae,ua fa’amalolo e le Aoga lea fanau Aoga mo le taimi nei.Mauaina e le faiaoga o

le Aoga Kingswood South Pacific School,se naifi ma’ai i le ato aoga a se teine talavou,ina ua logoina e se teine o lana vasega,ua fa’amaloloina le tumau(suspend)Fesiligia e le faiaoga le teineiti’iti,po’o i ai se naifi i totonu o lana ato,tali ane e leai,ina ua mae’a ona fa’amata’u e lea talavou,isi fanau aoga,fa’aalia e leai se tasi na afaina ma fa’amanu’alia i lea fa’afitauli.Ta’ua fo’i e le Ripoti,se fa’alavelave e le’i mamao atu,na tui ai e se tama aoga 14 tausaga,o Glenwood High School,se isi fanau aoga 16 tausaga,i le lotoā o le Aoga i le masina talu ai.O le naifi na fa’aaogaina i le fa’alavelave lea i le A’oga Maualuga a Glenwood,e fa’atagaina le tauaveina,e le tamaiti’iti i lalo o aiaiga a le Matagaluega o A’oa’oga,i lea vaitau,ona o le tamaiti’iti ua mae’a ona Papatiso i Tapua’iga Fa’a Initia po’o le’SIKH,e ao ai ona ia feave’aina se’tama’i naifi fa’amoe’i lana ato aoga i taimi uma.Nisi nei o Aoga i Sini Niu Sa Uelese,na tutupu ai ni fa’alavelave,e mafua i tama’i naifi(pocket knife)ma isi au’ūpega na mauaina i ato aoga a le fanau.

Blue Mountains: Na logoina Faiaoga e se tasi o matua,o lo’o feavea’i e se fanau aoga se naifi,ma fa’afefe ai se tama aoga. Fa’atino le sailiga a Faiaoga,maua ai le tama’i naifi.

Albury:O tau’upuga a se teine aoga ma se tasi teine talavou o le vasega,ma fai atu i ai,va’ai lelei o lo’o o’u taulimaina le naifi i la’u ato aoga.Ave’ese e le Faiaoga le tama’i naifi.

Fairfield:Masani a’i se tama aoga,ona fa’amata’u le isi atali’i talavou,pe ā ita ma

fa’alālā le naifi.Na a’afia Leoleo.


Welcome to lazy town

Ua tapunipuni Faleaiga,pala moli ma apu,ona ua le fia galulue tagata Ausetalia.Toetoe lava ā le aulia le 2021,aemaise le vaitau tonu na tetele ai le Fa’ama’i COVID-19,fa’amatalaina e le Fai

Fa’atoaga apu ma fuala’au aina o Guy Gaeta,ua leai nisi e tauina ana apu ma moli,ua tele ina pala.Fa’aalia e Atilla Yilmaz,pulea sa’oloto se faleaiga i Canterbury,ua uma itūaiga faiga lelei e

atofaina mo tagata faigaluega,totogi taimi e fai ai talanoaga amata mo le galuega(interview)ma fafaga i taimi malolo(lunch)Ua matuā paiē ma augatātā tagata Ausetalia e galulue aemaise galuega e i ai si faigata i lona fa’atinoga.O Faleaiga iloga i le Taulaga o Sini,ta’ua e le ali’i Pule o

Kristian Savio,e o’o lava i fa’asalalauga i Nusipepa ma le Leitio,fa’atulaga a’oa’oga(training)o le numera tele o i latou na tusi talosaga atu,ua le pa’au atu.Fa’aalia e Jess Furolo,Ofisa Sinia e sailia ma mata’itū taleni faigaluega (Chief Human Resources Officer)a Merivale,avea le tapunia o i latou

faimalaga mai atunu’u mamao,e i ai agava’a,tomai ma faiva alofilima talafeagai mo ia itūaiga galuega,e le mauaina e tagata Ausetalia,mafua’aga lea o le tapunipuni o le tele o Pisinisi Faleaiga,ma isi Auaunaga mo le fofoga ta’umafa o Tagata Lautele.Ua paiē tagata Ausetalia e galulue.Tu’ua’ina tupe maua mai le Malo,fa’apogai lea.


Heart fear for women

Ua fa’alauiloaina ni fautuaga ma ni tu’ualalo,aga’itonu i Tama’ita’i ma Teine Talavou,ona o ni popolega tupu pea i o latou a’afiaga,i le gasegase toto maualuga.Tusitusiga i Nusipepa,TIMES a

Peretania,ua lapata’ia malosi ai le alagātatau ma fa’atāua,e Tama’ita’i talavou o latou soifua,o le maua i le Toto Maualuga(High Blood Pressure)i le taimi nei,o le ā faigofie lea ona vave ona a’afiaga i le Ma’i Fatu pe ā o’o ina matutua,fa’amaonia e Foma’i Saienisi Fa’apitoa(Researchers)A si’isi’i i luga le toto maualuga o se Tama’ita’i po’o se Tina talavou,i le fa’atoā 41 o ona tausaga,o le ā fa’aluaina le maua vave i le Ma’i Fatu,i le aulia o lona 50.E lē fa’apea se a’afiaga o Ali’i ma tamā talavou,e pei ona fa’ailoina mai. Fautuaina malosi Foma’i ia tapenaina lelei ma mata’itū(screen)tama’ita’i talavou,fai se sailiga fa’a su’esu’ega fa’aauau i le ese’esega,ua tula’i ai le popolega i le gasegase Toto maualuga i Tama’ita’i ma Teine talavou.Ta’utino e Ester Kringeland o le iunivesite a Bergen,i le atunu’u o Norway,fa’aalia manino,le tali mai o su’esu’ega,le maualuga o le lē taliaina e le fatu o le tama’ita’i po’o le teine talavou(va ane lau fa’afofoga)pe ā si’isi’i maualuga lona toto,e ao lava ona fua fa’alau so’oso’o le maualuga o le toto,tusa lava pē ete

malosi.Fua ma siaki aemaise pe ā puta,ma le ma’itaga.


The military life of abuse major trigger

O le avea o oe ma se fitafita ose Vaega Au Tau a se atunu’u,pei o le lauele’ele po’o le(army)sami po’o le(navy)luga o le Ea,po’o le(air force)e ao ona atoa sagatonu ma fetala’i lou mafaufau,i taimi uma, auā e le faigofie le malu puipuia,o lou atunu’u ma ona tagataānu’u,ma lo latou saogalemū lautele i

taimi uma,aetainane lau Tautoga,i le tu’uina atu o lou ola atoa mo se galuega lelei.Fa’amatalaina e Charles Miranda o le Daily Telegraph,le mafiafia o le tau fa’amata’u,tau fa’a fefe,va’ai maualalo,lafoina o upu masoā,ma le palauvale,ma uiga fa’alumaluma fiapule(Bullying)i totonu o

Auaunaga Fa’afitafita,e pei ona tā’ua i luga,o le mafua’aga mautinoa lea ua fa’aalia,ua si’itia maualuga ai le numera,o i latou sa tautua i le auaunaga fa’afitafita,ua maliliu talu le pule i ō latou soifua ma le ola.Fa’aalia manino e silia ma le 1800 ni Talosaga Tusitusia Fa’aseā,ua fa’aulufale atu i le Komisi o Vaegā Au Puipuia Lelei le Saogalemū o Ausetalia,mo ni Iloiloga ma Su’esu’ega,mo le

pule i le ola,o Fitafita sa Tau mo Ausetalia.Manatu nisi e ai le tomai o le Pule i le Ola,po’o le Suicide,e lē faigofie le toe fo’i mai o le fitafita,ma maua le sologalelei o le olaga i Aiga,Nu’u fa’apea ni galuega pe ā maua,ae o le taimi umi,i totonu o le soifuaga fa’afitafita,e maoa’e le ogaoga ma faigatā le tele o fa’afitauli na a’afia ai.O le fa’apogai autū lea ua si’itia maualuga ai le to’atele o nai fitafita o le Taua,ua toe pulea o latou soifua,ona o le anoanoa’i o le gaogaosā sa latou fetuleni fa’atasi,a’o tau mo le puipuia ma se saogālemū,o Ausetalia ma le lalolagi.Ta’utino le femoumoua’i ma le felanulanua’i o lagona,ma mafaufauga i le taimi o le Taua,aemaise le manatua pea o uiga ma’ema’eā,matagā ma le fa’apaupau o Pulega aga’i atu iā i latou. Silia i le 400 fitafita

na pulea o latou soifua,talu mai le 2001 ina ua tofia e tau i Afghanistan,ae le’i tupu mai le

Fa’alavelave maoa’e i Niu Ioka,Amerika iā Setema Sefulutasi.To’atele fitafita sa i le Tāua,ua togafitia nei i le Ma’i o le Mafaufau,po’o le Mental Health.


The only way to beat the best,play-best

Mo Au Lakapi uma a Ausetalia o le Ta’amilosaga Supa Lakapi Iuni Vasa Tasemane.E le tu’ua’ia lava se tasi,o outou lava e paū i ai le mamafa o le Finauga.Mae’a Ta’amilosaga muamua e 2,ae le’i maua se manumalo,10 ta’aloga 10 faia’ina.Fa’amatalaina e le Tusitala Lakapi Iuni a le Sydney Morning Herald, le Ali’i o Wayne Smith,le saunoaga a le Ta’ita’ifono Lakapi Iuni Ausetalia,le Ali’i o Hamish McLennan,e ao ona si’itia maualuga le ta’aalo a Ausetalia,ne’i paū maualalo le Lakapi a Ausetalia i le mailei,o le toe tusitusilima ma fa’aleaga lava e i tatou,ni taumafaiga,ma galuega fuafua alualumamao,mo le lumana’i o se olaola fou,o le Lakapi Iuni a Ausetalia.Ta’utino e le

Ta’ita’ifono le tāua o le pitola’au a Kamupani,Pisinisi ma Pa’aga Fou ua ofoina mai lo latou tomai fa’ale ta’aloga,aetainane le Tamaoaiga tau tupe,ua sasa’a mai e fa’atupe ai le Lakapi Iuni Ausetalia,a’o aga’i atu i le Ipu a le Lalolagi-World Cup Rugby,i Farani 2023.Saunoa Hamish,le fa’aaogā lelei o avanoa ua toe ta’aalo ai ma Au Supa Lakapi mai Niu Sila,talu le 2019,maua ai

agava’a,mautinoa ma le atoaga o le ta’aalo a Au Supa Lakapi Iuni Ausetalia.Saunoa le Ta’ita’ifono Hamish McLennan,a fia lelei ma maualuga le Lakapi a Ausetalia,ma le Wallabies,e ao ona ta’aalo fa’alau soso’o ma Au Lakapi silisili ona lelei,e pei o Au mai Niu Sila.


Star emerging Schuster

Afai o lau matāfaioi ma ou tiute,e totogi ai oe,ma maua ai lau tupe, fa’atasi ma lou Tamaoaiga,o le tulimata’i,mata’itū ma taumulimuli i fanau talavou talenia i ta’aloga,e alagā tatau fo’i ona lava lou silafia,i le tomai agava’a,taleni ta’alo,lagona tausiniō ma le amio tausa’afia,a fanau teine ma tama Pasefika ua e filifilia.O le ali’i tomai fa’apitoa i le pikiina o tama ta’aalo(League Scout)o Scott Fulton,ua ia ta’utino le avea o le alo talavou talenia Samoa,Josh Schuster ma Kapeteni o le

Manly Sea Eagles,i se taimi e le o toe mamao.Tusia e Adrian Proszenko o le Sydney Morning Herald i le vaiaso ua mavae,o Josh Schuster ua atoa uma ona agava’a ma le tomai ta’alo,e avea ai ma Fetu Pupula i le Lakapi Liki po’o le Lakapi Iuni.Fa’aalia e le Sydney Morning Herald,e le fou i lau fa’afofoga Samoa le suafa Schuster, lauiloa i Samoa,Niu Sila,Ausetalia ma le Lalolagi atoa i

ta’aloga,aemaise John Schuster,Numera 12 ta’utā’ua a le All Blacks,i le vaitau o le 1980,ta’alo fo’i mo le Newcastle Knights.Su’a Peter ma David le tamā o le tinā o Josh,o sui muamua o le Manu Samoa.Fa’amatala e le tinā o Jackie,e foliga malie le ola a’e i le Aiga Lakapi Iuni,ae na o Lakapi Liki lava e matamata ai Josh.Tele le taimi o si ona tamā o David,e a’oa’o ma koleni,e avea ma 1 st five numera 10 a le Lakapi Iuni,a’o lea ua manuia ai le Liki.Fa’aalia le agaga fa’afetai o le Kalapu a Manly Sea Eagles,i le mautū o le fa’ai’uga a Josh Schuster,fa’atoā 20 tausaga,e tumau i le Lakapi Liki,sefulu ana ta’aloga,i le loka(back row)ae ua simālona lumana’i,e paga ma ali’i o

Daly Cherry-Evans,i le 6 ma le 7 a le Sea Eagles mo le isi 10 tausaga.Ta’utino Scott Fulton,na ia amata mata’itū ma taumulimuli iā Josh fa’atoā 13 ona tausaga.Fa’amatala e si ona tinā o Jackie,o lana lunch ma le polo Lakapi i lana ato aoga,moe ma lana polo Lakapi.Na tu’ua e David Schuster,le tuaā o Josh Samoa mo le ta’alo iā Manly Rugby Union,o Peter Schuster o le sui muamua o le Sea Eagles,a’o le lona tinā o Jackie,sa fanau i Manly.

5 views0 comments

Recent Posts

See All
bottom of page