top of page
Search
  • Writer's pictureMaulolo Fata U. Malifa

Tala Fou Sydney NSW Ausetalia (07 February 2021)

Updated: Feb 7, 2021

Fiji airways awarded highest diamond”hospital-grade” certification

O se tala fiafia ma le fa’amalieloto,e le gata i le itū Fa’a Pisinisi Fa’a-

va-o-Malo,ma Kamupani Va’alele o le Lalolagi,aetainane le

fa’alauiloaina o atunu’u laiti o le Pasefika,i femalaga’iga i va’alele e

pei o le Auaunaga Matavela,a le Kamupani Va’alele Ave Fu’a a le

Pasefika,FIJI AIRWAYS,ua loa tausaga o Tautua ai mo le mamalu

lautele,o le Vasa Pasefika,mai lava i le taimi o fa’aigoaina i le”Air

Pacific”aetainane le tautuaina o le mamalu o Tagata Pasefika,o lo’o

alaala ma pāpāa’ao i Ausetalia nei ma Niu Sila.O le tatou atunu’u

Samoa se tasi o Taunu’uga na matuā,tele le sao o le FIJI AIRWAYS e

o’o mai i le taimi nei,e le gata i le Tamaoaiga i Tupe maua,a’o lana

fesoasoani i le Malo Samoa ma ona tagata-a-nu’u,i taimi faigata e

mana’omia ai.I se Talanoaga a Talafou a le Fofoga Mo’omia,ma le

Ali’i Pule Sili o le FIJI AIRWAYS,i Ausetalia,Afioga Taitu’uga Peseta

John Nickel i le Aso ananafi,i le fofogaina aloaia o se Fa’ailoga

Taualoa ua Taua’aoina mo le FIJI AIRWAYS,i lana Auaunaga Fa’ale

Kamupani Va’alele,aemaise le felelea’i a’o feagai le Lalolagi ma le

fememea’i,ona o le Fa’ama’i-COVID-19.O le Fa’ailoga “DIAMOND

Certification”ua pito sili ona maualuga,ua mafai ona taua’aoina e

le”APEX”Health Safety,lagolago malosi e le SimplyFlying,mo le FIJI

AIRWAYS,ona o le maualuga o lana fa’atinoga,ma le saogalemū o le

mamalu femalaga’i.O le fa’atautaiga e le Fa’alapotopotoga,”Airline

Passenger Experience Association(APEX)o le mata’ituina o

Kamupani Va’alele iloga o le Lalolagi,e matuā maualuga ma

fa’ataua,le tagata faimalaga,i le amataga o lana malaga se’ia aulia

lona taunu’uga.E 58 vaega ese’ese na silasila i ai le APEX,ona tā

aofa’i lea i ona fa’atumutumuga e 10,e fuafua i le fa’amalieina ma

le fiafia tupu pea o le tagata malaga.Nisi nei o vaega

lautogia,fa’atauina o lau pepa malaga,vaa’ia o oe i le malae

va’alele,o ou mana’oga i luga o le va’alele,e o’o lava i lou

taunu’uga.Saunoa le Pule Fa’atonu o le FIJI AIRWAYS,Mr.Andre

Viljoen le lagona fa’agae’etia ma le Fa’afetai i lenei amanaia

maualuga ua lautogia ai le FIJI AIRWAYS.Fa’aalia fo’i o se taimi

muamua lea i le Fa’asolopito o lenei Fa’ailoga Taualoa

Taua(Diamond Certification)ua mauaina e se Kamupani Va’alele

La’ititi i le Lalolagi,pe a fa’atusatusa i tama matutua pei,United

Airlines,Etihad Airlines,Alaska Airlines,Qatar Airways,Singapore

Airlines,Delta Airlines ma le Air Canada.Molimoli le fa’amalo ma le

agaga o le Fa’afetai,i le afioga ia Taitu’uga Peseta John Nickel,i lana

pitola’au taua,e le gata i le Kamupani Va’alele FIJI AIRWAYS,a’o

Tagata Pasefika Femalaga’i,aemaise lava le mamalu lautele o

Samoa,e tauala i lana tautua matavela ma le Auaunaga i tausaga e

tele a’o galue ai,i Pisinisi Tau Femalaga’i,aetainane lona sao tele mo

Tagata Tafafao,ma Asiasi atu i Atunu’u o le Pasefika,e pei o

Samoa,Fiti,Le Atu Kuki,Tonga ma Niue,po’o le Tourism Industry.


Ink’s the right stuff

A talanoaina loa le Tusilima,po’o le tusitusi e pei ona outou soifua

ma tatou ola mai ai,ua fa’amatalaina e Christopher Harris o le Daily

Telegraph,i lana Lomiga o le Aso 2 Fepuari 2021,ua matuā silisili ona

atamai le u’u o le penitala i lou aao ma tusitusi,nai lo le fa’aaoga o

le computer,laptop po’o le taplet,aemaise lava i tausaga amata o le

fanau fa’ato’ā ulufale atu i A’oa’oga Amata.Ua u’una’ina malosi nei

e Dr Anabela Malpique,o Murdoch University,le mamalu o matua,e

fa’aiti’itia le fa’aaogaina o telefoni feavea’i(mobile)e fai ai

tusitusiga a le fanau,ae toe fo’i i le fa’aaogaina o le penitala,ma le

pepa,auā e fa’aosofia ai le manatuaina o mafaufauga,taula’i ai le

vaai,ma fa’atonutonu ai le migoi ma fa’agaioi musele,ma uāuā o le

tino.Fa’ailoa e Anabela,le tāua ma lava taimi o le fanau e galuea’ina

ai le tusitusi,nai lo le fa’aaoga o le komipiuta mo tusitusiga,aemaise

lava le 3 tausaga muamua i le Aoga,ina ia fa’amasani le migoi o

lima,ma le taumulimuli o le vaai o mata,a’o tusi le fuaiupu.E sili atu

ona matagofie ma aulelei,le silasila a matua i upu tusitusi,i le api

aoga,nai lo le tātā pe type i le komipiuta.Fautuaina malosi le

lagolago mautinoa a matua,ia o va’ava’alua ma le fesoasoani a le

faiaoga.Fa’aalia fo’i,ua le na o Ausetalia ua a’afia ma tupu ai lenei

fa’afitauli,ua sosolo i le lalolagi atoa.Ta’utino le Peresetene,Pule

Aoga o A’oa’oga Tulagalua(Primary Schools)Robyn Evans,le

fa’amoemoega mo matua,i lana pitola’au tau amata,i le a’oa’oina o

le tusitusi,valivali ma le tipitipi ma fa’apipi’i fasipepa,e galuea’ina ai

le mafaufau o le 3 po’o le 4 tausaga,ae le’i ulufale atu i le Aoga

Tulaga Lua po’o le Primary School.Saunoa le Tina Tonga o Heinna

Vea,o lana matafaioi tele lea i ona taimi avanoa,ia mautinoa i lana

fanau o Siaila 7,ma Soatame e 4 tausaga,ia matuā fa’ata’ita’i le la

Tusilima i aso uma pe a tu’ua le aoga.Toe fa’atepa e Vea lona

tuputupu a’e i Tonga,e tatau ona lelei ma ato’atoa lana Tusilima,e

fa’asala ia e lona Tina,pe a le tumu le lua laupepa o lana api,i se

Tusiga Tala.Taumafai atili ai e fa’apupula atu ia Siaila ma Soatame.


More pay or super rise: you choose

Ua fa’aalia i se Tusitusiga ma se Ripoti fa’atuatuaina a le Tusitala

Feso’ota’i tau le Tamaoaiga,a le Sydney Morning Herald,le

Tama’ita’i o Jennifer Duke,i lana Lomiga Aso 13 Ianuari 2021.O se

fuafuaga va’aimamao a le Faiga Malo Maualuga(Federal Govt)i le

tu’uina atu o se avanoa sa’oloto i Tagata Faigaluega uma,mo sana

filifiliga,i le tu’uina o se vaega tupe tele i lau Teugatupe Masani

(Superannuation),fa’aagaga mo lou Tu’ua Malolo o lou soifua

Faigaluega(Retirement)po’o se fa’aopo’opoga i lou totogi ave i le

fale i vaiaso ta’itasi.Mafua’aga o lenei manatu,o lo’o loma nei

finauga a Vaega Fa’a Upufai i le Palemene a le Faiga Malo

Maualuga,ina ia si’itia maualuga tupe fa’aagaga mo Tagata

Faigaluega,ua tu’ua galuega ona ua aulia tausaga matua o le

Soifua,po’o le Retirement.O lenei mataupu e le’i ofi atu mo

felafoa’iga i le Palemaene a le Senate,a’o silasila le Faiga Malo,ini

suiga talafeagai,e manatu o le a fa’aosofia ai ni finauga

malomaloā,ma le Vaega Fa’aupufai a le Labor,o lo’o agaia le

Malo,fa’apea Iuni a Tagata Faigaluega,aetainane le $3 trillion tala le

aofa’iga o tagata fai Saofaga ua leotetele mai,e ao ona si’itia

maualuga atu nai lo le 9.5% pasene,o lo’o i ai nei mo so’o se tagata

faigaluega,mo le sologalelei ma talafeagai le tupe maua,pe a mae’a

lona taimi galue i tausaga e tele(RETIREMENT)O le si’itaga e 12%

pasene,e pei ona folafola e le Faiga malo Tu’ufa’atasi(Coalition)i

lana Anavatau o le Faiga Palota,ae foliga mai o lo’o taumafai le

Palemia o Scott Morrison,e saili se ala ‘alo e fa’agalo ai lea

Ta’utinoga i le taimi o fa’atosina o Palota.O le 9.5% pasene o lo’o i

ai nei,o le a suia i le 12% pasene pe a aulia le 2025,e teuina i le

Vaega Tupe Fa’aagaga(Superannuation)mo oe i le mae’a ai o lou

taimi faigaluega.Mata’itu ane ia suiga,aemaise le mamalu o Samoa

ua loa ona galulue punoua’i,mo le tausiga o Aiga,aetainane le sao

tele mo le Tamaoaiga olaola o Ausetalia,pe a e agava’a i nei

fa’amanuiaga.


Rising childcare fees deter parents from work return

Ua fa’ava’atu’ia le toe fo’i atu o le to’atele o nisi Matua i galuega

masani,ina ua fai le filifiliga ma le loto-fuatia-ifo-lelei,ia

fa’amuamua le vaa’ia lelei o fanau iti,ona ua si’itia maualuga le

totogi a Nofoaga e Tausia ma Vaa’ia fanau iti,po’o Chidcare

Centres.E latalata i le 17,000 afe le aofa’iga o Matua,ua nofo fale

mo le vaa’ia lelei o fanau,talu mai le si’itaga le alofa,ua sili mamao

atu i tau fa’atulaga,mo le vaa’ia o fanau iti.I le fa’alauiloaina aloaia

e le Komisi Galuega Fa’atino Sologa Lelei ma le Galuea’ina i le Ala

Fa’aeteete(Productivity Commission)i Fuainumera ma

Fa’amaumauga Aoina Lata Mai,manino ai le vave si’itia maualuga o

Pili Totogi,mo le vaa’ia o fanau iti,i le 5.6% pasene i le atunu’u

atoa,e $523 tala i le va o le 2019 ma le 2020.O Niu Sa Uelese,ACT

ma Vitoria ua matuā silisili atu ona maualuga lana si’itaga.E $595

tala e totogiina e matua i ACT,mo le vaa’ia o le fanau mo le 50 itulā

i le vaiaso e tasi,i le tausaga ua mavae-2020,$546 tala i Vitoria,ae

$535 tala i Niu Sa Uelese.I le vaitau lava lea i le tausaga ua tuana’i

atu-2020,ua si’isi’i lemū a’e i luga le fuainumera o Matua,ua tu’ua

galuega ona o le tausia o fanau iti,mai le 279,200 i le 296,100,o le

mafua’aga,ua taugatā tele le totogi o Nofoaga Vaa’ia ma Tausia

fanau po’o Childcare Centre,23% pasene le oso maualuga.Ua

fa’ailoa mai fo’i,le fa’aopo’opoina o fa’alavelave,e pei ona maliu ai

se atali’i la’iiti’iti,a’o i ai totonu o le pasi,e fela’ua’i ai fanau iti a

Nofoaga Tausia Fanau Iti(Childcare Centre)i le tausaga ua

mavae,2020.E 16,000 fanau iti Ausetalia na a’afia ini manu’aga,pe

mama’i fo’i,a’o i totonu o Nofoaga Tausia Fanau iti’po’o Childcare.E

13,077 le aofa’iga o pepe,ma fanau iti e le’i amataina aoga(o se

fuainumera uiga ese mo se taimi muamua)na lavevea,ma manu’aga

tugā,mama’i tigaina,a’afia ai ma se ponaivi gau,mu ma tipia o se

vaega o le tino,ulu tigā,ma’isela oso fa’afuase’i,ma tilitili ai i le

Falema’ mo ni togafitiga,i le 2019/2020.I lona Aotelega,e 16,632 le

aofa’iga atoa o fanau iti,na manunu’a i Setete ma Itumalō.


Australians have a lot of interest in credit card rates

Fa’amatalaina e Sophie Elsworth ma Anthony Keane o le Daily

Telegraph,i lana Lomiga o Ianuari 13 2021,le fa’aopo’opo pea o le

mamalu lautele Ausetalia,e u’umia Pepa Nonotupe(Credit Card)le

fa’aseseina pea,o a latou paleni tauave,ona e le o migoi le tupe

tului(interest rates)talu mai le vaitau o le vevesi ma a’afiaga o le

Fa’ama’i(COVID-19)I ni maitauga fou ma le mata’ituina o Tupe

Fegasoloa’i,e le Auaunaga Tau Tupe a le Canstar,na alia’e ai le iti’iti

o le fa’apaū o le tupe tului(interest rate)ua na o le 0.03% pasene,e

ui o le paū aloaia e 0.75% pasene,pei ona fa’ailoa e le Faletupe

Tutotonu(Reserve Bank)i le maualalo e 0.1% pasene.O le

tului(interest rate)o lau Pepa Nonotupe po’o le Credit Card i le

taimi nei,e 16.91% pasene,o le to’atele o tagata e le taliaina,ona o

le maualuga ma taugatā tele.Fa’amauina le fa’aiti’itia o le tupe

tului(interest rate)o Pepa Nonotupe(Credit Cards)ua le totogiina

po’o ua telegese,talu mai le tausaga 2004,ae na toe si’itia maualuga

i le $19.96 piliona ia Novema 2020,se tasi o mafua’aga o le

Maualuga o Tupe Maua,i le vaitau aga’i atu i le Kerisimasi,aemaise

le Aso Faraile Uliuli(Black Friday)Fa’aalia manino,o le faiga

fa’atosina a Faleoloa,o le fa’atau ma ave le oloa,ae se’i totogi

mulimuli,na toe si’itia ai tupe tului(credit rates)aemaise ua talaina

Tupe Fa’aagaga mo le Ritaea po’o le SUPER,e totogi ai le Pepa

Nonoga Tupe po‘o le Credit Card.Fa’amatalaina le ese’esega o

tagata u’umiaina Pepa Nonotupe(Credit card)o le to’atele ua finau

mo se tupe tului(interest rate)maualalo,nisi tagata ua ua naunau ini

fa’amanuiaga e tauala mai Pepe Nonotupe po’o Credit

Cards.Fautuaina malosi e i latou atamamai i gasologa o Tupe

Nono,ua alagatatau i so’o se tagata Ausetalia,ona saili mae’ae’a

lelei Auaunaga ma Faletupe ese’ese,e atofaina se tupe tului

talafeagai lelei,(interest rate)ma lou totogi fa’asoasoa,auā le toe

totogiina o lau Pepa Nonotupe,po’o le Credit Card i masina

ta’itasi.Se’i taga’i toto’a i le tului o lau Pepa Nonotupe.


Huge data leak exposes social media users

E pei ona ripotia e le Sydney Morning herald o le Aso 13 Ianuari

2021,i le Tusitusiga a le Tama’ita’io Fiona Willan,le telē ma le

maoa’e o se fa’ailoaina o ni fa’amatalaga fa’alilolilo,ma taofiofi

mamau,ae ua alia’e le’i fuafuaina,pe na fai lava ma le iloa e se tasi,e

fa’aagaga mo le fa’ailoa atu i se vaega o ni tagata,po’o se kamupani

mo le fa’aaogaina fa’aalatua,e maua ai ni Tupe se tele,e aunoa ma

le silafia.O le aofa’iga atoa e 214 miliona tagata e u’umiaina

Fa’ava’a o Foliga,FACEBOOK,INSTAGRAM ma LINKEDIN,ua mauaina

i se nofoaga i luga o Upega Tafa’ilagi,e aunoa ma le saogalemū,ma

puipuia e pei ona laulauvivilu ai aiaiga a le FACEBOOK ma isi.I se

fa’aaligalata mai a le Kamupani o Su’esu’ega ma le Atamai i ia

ituaiga Auauanaga,SAFETY DETECTIVES,e 2 miliona tagata Ausetalia

e fa’aaogaina Facebook po’o le(Social Media)na mauaina i le

Nofoaga o Fuainumera ma Fa’amatalaga Fa’amaumau(Database)a

se Kamupani Upega Tafa’ilagi(Social Media)mai le Malo Saina

fa’aigoaina,Socialarks.Ta’utino le ali’i o Anurag Sen,fa’aulu’uluga o

nei Su’esu’ega,aemaise lava le Facebook ma le Google,e silia i le

400GB o fa’amatalaga,ae 318 miliona laupepa tusitusi,ua leai se

nātia o fa’amatalaga,e le mana’omia fo’i se numera omi’omi po’o

se PASSWORD,e taofia ai lou silasila i ai.O le popolega o Anurag,o le

fofolaina o au fa’amatalaga patino ia te oe,e pei o lou igoa,lou

tuatusi,lou fale faigaluega,tala’aga o lou olaga,fa’apea le numera o

lau telefoni feavea’i,ma isi fa’amatalaga fa’alilolilo,e pei o lau

Tusitupe ma ni Teugatupe,ua tafilisaunoa i ai le Google,Facebook

ma le Youtube,e aunoa ma sou silafia ma le iloa.Ta’ua fo’i,e ui lava

e le o toe lilo se fa’amatalaga o le soifuaga,ona o faiga fa’aalatua a

nei Kamupani Tetele ma le Malolosi,e le tatau ona latou faia ma

fa’aaogaina fa’agaoi,a tatou fa’amatalaga ma saili ai le miliona ma

miliona o tupe,na resitala ai lau Itulau(Facebook)pau lea.


Tupulaga a le EFKS

A tomanatu i le tu’ua ai o laufanua o si o tatou atunu’u Pele

Samoa,Aiga,Nu’u ma Alaalafaga,aetainane le Ekalesia,silia nei ma le

60 tausaga talu ai,ina ua fai mai le Folauga i Niu Sila ma

Ausetalia,ma le fa’amoemoe mautū mo le ati’ina’e o Aiga,aemaise

ni lumana’i lelei mo fanau e tauala i A’oa’oga.Ua fa’amanuiaina le

to’atele i galuega lelei,maua Tusipasi Taualoa mai Iunivesite ma

Aoga Maualuluga,to’atele ua galulue i Kamupani ma Pisinisi

Tumaoti,aetainane i latou ua ofi atu ma galulue i Matagaluega a le

Malo ma le Setete.Ua maitauina fo’i nisi o Tamafanau Samoa,ua

avea ma Fai Pisinisi Tumaoti.E manatua ai pea nai Tuaā ma Matua

na mua i Malae,sa feagai ma le faigatā ma le lavelave o le vao

filifili,i le tau amataga o le Aiga i le sailia o se galuega,aetainane le

tau fa’aaogaina o le fanau,ma le lē taitai tutusa,o le olaga Fa’a

Papalagi ma a tatou Tu ma Agaifanua,aemaise le gagana

feso’ota’i.A’o le Aotelega o lenei Folauga ma le Sailigāmalo,a le

mamalu o Samoa,o le Sao tele ma le tāua o o tatou Talitonuga Fa’a

Kerisiano,aemaise a tatou Tapuaiga Lotu,sa limata’ita’ina ai

Samoa,se’ia aulia lenei Taeao o le Fa’amanatuga.Aua la ne’i a te’i

matou Le Ali’i e,a ia toe fo’i atu le Viiga ma le Fa’afetai,i lona Suafa

Mamalu,ona o lona Alofa Fa’amaoni mo i tatou.Se tasi o molimau

maumautūtū,o le tapu’eina o fanau Talavou i totonu o Tapuaiga

Lotu Ese’ese,e ala i le Aoga Aso Sa ma le Aoga Faifeau,ma le Au

Talavou,e o’o mai i le taeao nei.Le Aso Sa ua mavae,na fa’atino ai le

Sauniga Fa’apitoa a le EFKS e masani ai i Tausaga ta’itasi,e fa’a Paia

ai Tofiga Ese’ese o le Aoga Aso Sa ma le Au Talavou,e pei o Faiaoga

ma Ta’ita’i,o ia Itū Tino taua o le Galuega Tala’i a le EFKS i Samoa

ma Atunu’u i fafo.Sa ta’ita’i le Failautusi o le Pulega Sini Matū,o le

Ta’ita’ifono a le Komiti Fa’afoe Aoga Aso Sa ma Au Talavou,Susuga

Iakopo Leleimalefaga,Laualuina o Tusi Fa’amaonia feagai ma le

afioga i le Peresetene,Gisa Vili Alaalatoa,o le Tiakono,ae fa’ai’u i le

Saunoaga a le Susuga Toeaina Fa’atonu o le Matagaluega Niu Sa

Uelese,Malifa Taeipo Malifa.Sa faia lenei Sauniga taua i le

Malumalu o le Ekalesia Fa’apotopotoga Kerisiano Samoa-EFKS

Sini,977 Forest Road,Lugarno.O lou alo talavou ma fanau lalovaoa a

Samoa,o lo’o soifua ma ola a’e i Ausetalia nei,o le lumana’i ma le

pine fa’amau lea,o la ta Folauga ma le Sailigā Manuia,a Samoa a’o

alaala ma pāpā aao ai i Ausetalia nei.Tupulaga Samoa mo a Taeao.O

le matafaioi lea a le Susuga i le Fa’afeagaiga Faifeau ma lona

faletua,i le fa’afaileleina o fanau a Samoa,e ala i le Aoga

Faifeau,Aoga Aso Sa ma le Au Talavou,i totonu o Aiga Lotu

Ta’itasi.Manuia tele le SAPATI Samoa.

2 views0 comments

Recent Posts

See All
bottom of page