top of page
Search
  • Writer's pictureMaulolo Fata U. Malifa

Tala Fou Sydney NSW Ausetalia (24 January 2021)

Degree not the only measure

O le u’umiaina o se fa’ailoga Taualoa,e pei o le Tikerī(Degree)ua le na o le pau lea,o se fa’amaoniga po’o se fa’amaumauga,e te o’o ma ausia ai le Fa’atumutumuga,o so’o se galuega maualuga,o lo’o galulue ai tagata na i’u ma maua fa’ailoga mai Iunivesite.E le o se itū fo’i e te ofo ai pe a e ausia,ma fa’amanuiaina oe po’o se tasi o le fanau,i se galuega lelei ma maualuga le totogi,e aunoa ma sou Fa’ailoga Taualoa(Degree)Ua a’apa atu nei Kamupani ma Pisinisi,fa’apea i latou e i ai le Atamai Fa’apitoa(Recruiters)i le sailiga o tagata Faigaluega lelei ma fa’amaoni,i a’i latou ua maua Tusipasi ma Tipiloma(Certificate or Diploma)nai lo oe lea ua i ai lou Tikerī mai le Iunivesite(University Degree)e pei ona fa’alauiloa i le Pepa o Ripoti,o Avanoa mo so’o se Tagata Faigaluega a le Faiga Malo Maualuga po’o le (Federal Govt)Fa’aalia i fuainumera fa’amaumau lata mai,o galuega na fa’asalalau ia Oketopa 2020,o lona aofa’iga e 155,000 afe,na o le 57,900,(37 % pasene)e mana’omia le i ai o se Fa’ailoga Tikerī(Bachelor Degree)po’o le maualuga atu.E 14,100 na mana’omia se Tipiloma po’o le Tipiloma Maualuga(Diploma or Higher Diploma)e 62,300 na fesiligia pe iai se Tusipasi Maualuga 2,3 po’o le 4,ae 20,300 Tusi Talosaga,e le’i fesiligia le maua o se Fa’ailoga ina ua mae’a lau aoga i le Kolisi(College/High School)I le mafaufau atamai o Jay Munro,e fa’auluulu i ai sailiga o galuega a le Upega Tafa’ilagi(Job Site Indeed)ua loa tausaga talu ona le toe mana’omia e le tele o Kamupani,ma Fa’alapotopotoga Iloga le i ai o sou Tikerī,ua sili atu ona taua le a’oa’oina o oe i totonu o le galuega(job training)nai lou Fa’ailoga.Fa’amatalaina e Munro,le to’atele le Aufai fa’ailoga Maualuga,ae leai se poto masani i le mautino,ma vave ona iloa fa’atino le galuega,fa’apea le fa’ailoa o aga feso’ota’i,ma nisi agava’a fa’apitoa(special Skills)e galulue so’oso’otaua’u ma osiosi faiā,fa’ale galuega ma isi tagata faigaluega.Fa’aalia le tele ma le anoanoa’i o isi galuega totogi lelei,e le mana’omia ni Tikerī(Degree)

Vatican says $2.3b transfer claim”like science fiction”

I Tusitusiga ma Ripoti a le ali’i o Philip Pullella o le Sydney Morning Herald,Aso 2 ma le 3 Ianuari 2021,e uiga i le Tino i Tupe,$2.3 piliona na lafo mai le Vatikana(Vatican)mo Ausetalia,i totonu o le 7 tausaga talu ai.O lenei vaega tupe tele,e $US1.8 piliona tala Amerika,fa’aliliuina i le $2.3 piliona tala Ausetalia,e le o fa’amaonia e le Vatikana ma le Lotu Katoliko Ausetalia,e leai se silafia ma iloaina,sa taunu’u mai lenei tino-i-tupe,e pei ona fa’amatalaina e le Matagaluega e Vaa’ia Tupe Lafo a Ausetalia,sa lafoina mai Roma mo Ausetalia nei,i totonu o le 7 tausaga ua mavae atu.Fa’aalia e le Ofisa Sinia a le Vatikana i Roma,i lona iloa masani ma le silafia lelei,o le fa’atautaiga o Tupe a le Vatikana,o lea aofa’iga,ma le tele o lafoga sa fa’atino ai,ua ia mautinoa ai,e le’i aluese lenei seleni tele ma le Vatikana i Roma,Italia.Fa’aalia manino e lenei Ofisa Sinia,e le’i fa’ailoaina lona suafa,i lalo o aiaiga fa’ale galuega,ua mana’omia e le Vatikana ni fa’amaumauga,ma ni fa’amatalaga maumautūtū,e tu’uina atu e Pulega a Ausetalia,ina ia manino le mata o le vai,po’o fea tonu na mapuna mai ai,ma le taunu’uga o lenei tino-i-tupe.Ta’utino le Ofisa Sinia,e matuā maofa lava i lenei fa’afitauli,e le o se Tupe mai le Vatikana,aua matou te le u’umiaina lea ituaiga aofa’iga Tupe.O lenei fuainumera sa fofolaina e le Australian Transactions Report Analysis Centre,po’o le Tino e Mata’ituina Tupe Lafo a Ausetalia,e tali atu ai i le fesili,a’o fai felaolafoa’iga a le Sui o le Senate a Ausetalia,o Concetta Fierravanti-Wells,ina ua ripotia e le Nusipepa o le Australian mo le taimi muamua.Ta’ua fo’i e 47,000 le aofa’iga atoa o lafoga ese’ese(47,000 seoarate transfers)Fa’aalia manino e le Aki Epikopō Mark Coleridge o Brisbane,Kuiniselani,e leai ma se silafia o le Lotu Katoliko Ausetalia,e uiga i nei Tupe lafo mai le Vatikana,saunoa fa’aopo’opo Mark Coleridge,e leai se Palisi i lalo o lana vaa’iga latou te silafia ma iloaina lenei seleni.


Covid cuts road toll to lowest since 1923

O nisi o itū lelei na tula’i mai ao feagai Ausetalia ma le Fa’ama’i COVID-19,e pei ona fa’amatalaina e Jack Morphet o le Daily Telegraph,Aso To’ona’i,2 Ianuari 2021.Fa’amauina le tausaga ua mavae 2020,le palasi maualalo o i latou na maliliu i luga o Auala Televavave,talu mai le 100 tausaga ua mavae,e fa’afetaia ai le to’aiti’iti o e femalaga’i i luga o auala,i le vaitau ma le taimi na matuā pipisi o le Fa’ama’i,COVID-19.E 297 le aofa’iga na maliliu i luga o auala o Niu Sa Uelese,i le 2020,o se matuā paū maualalo talu mai le tausaga e 1923,a’o le kuata o le faitauaofa’i o tagata,le aofa’iga o tagata nonofo i Ausetalia i le taimi nei.E 16% pasene le fa’aiti’itia o tagata maliliu i le tausaga ua mavae,2020 pe a fa’atusa i le 2019,e 352 i latou na maliliu i luga o Alatele vavave.Saunoa le ali’i Minisita o Alatele,Andrew Constance,le telē o lenei suiga i le palasi maualalo o e ma’umau soifua i le so’ona aveta’avale saoasaoa,ae alagatatau pea ona tatou fa’aete’ete,i le fa’atautaia o lau foeuli i taimi o faigamalaga.O lo’o tumau pea le avea o le aveta’avale so’ona televave,ma mafua’aga autū o le tutupu o fa’alavelave tau ta’avale i luga o Alatele,ma si’itia ai i le 47% pasene le numera o i latou e maliliu,i fa’alavelave fa’afuase’i ona o le aveta’avale saoasaoa ma leai se fa’autauta.Se tasi o itū fa’amalieloto i le manatu o Ofisa Leoleo,e feagai ma le Saogalemū i luga o Alatele,pei ona ta’utino le Minisita,o le fa’aiti’itia maualalo i le 50 fa’alavelave matu’iā, i luga o auala i nofoaga ma nu’u i tua mai o le Taulaga i Sini,aemaise lava i aveta’avale ua fiamomoe,ma le tino vaivai ao feagai ma galuega.E 114 le aofa’iga ua fa’aiti’itia ai ta’avale lavevea,ma togi toesea(double demerits)i le taimi nei,pe a fa’atusatusa i le tausaga ua mavae,2020.Fa’amanatu atu le maualuga o lau fuamaila,ne’i se’i lou laisene fa’atoa amata galuega o le 2021,aetainanae le momoliina o le fanau i A’oa’oga.



Urgent need for energy sector jolt

Ua fa’alauiloaina i le Aso Lua o le vaiaso ua mavae se Ripoti Fa’atuatuaina a le Tino e Mata’ituina le Fa’aaogaina o le Eletise ma le Kesi(The National Electricity Market)e finauina ai le alagatatau e le mamalu lautele,ia i ai lo latou silafia ma le sa’olotoga,e fai ai lana filifiliga,i le fa’aaogaina o Malosi’aga Fa’a Eletise ma le Kesi,e talafeagai tonu ma lou mana’o,aemaise fo’i le saili’ili mae’ae’a le ese’esega ma ni suiga,e afua mai i le malosi’aga e mumu ai lou maota,ma ola ai lau ogaumu,pe a fa’aaoga le Solar Panels,po’o Laupapa Fa’apitoa Fa’alā, e galueaina i le vevela o ave malolosi o le La.O faiga fa’aneionapō,e fa’aaoga i ai le Malosi’aga Fa’a Natura.Fa’aalia le talanoaina o se fuafuaga vave,mo se fōfō o le fa’afitauli ua alia’e mai,e ono fa’aiti’itia le taunu’u atu o le Eletise ma le Kesi i maota ma laoa i se taimi e le o toe mamao.Mana’omia ni suiga ma nisi metotia fou,mo le o’o atu o nei Malosi’aga mo Aiga uma i Ausetalia.Se tasi o popolega,o le si’itia fa’afuase’i o le totogi o le Eletise ma le Kesi mo Aiga ta’itasi,e ui o lo’o maualalo Pili totogi a Kamupani,ma isi Fa’alapotopotoga i le atunu’u atoa.Saunoa malosi le Ta’ita’ifono o le Fa’alapotopotoga Saogalemu Eletise ma Kesi(Energy Security Board)Dr Kerry Schott,ua loa le alagatatau o le fa’ama’ite o ni suiga fou ma lelei,o Auaunaga o Malosi’aga Tau Eletise ma Kesi,ma ia i ai le paleni i ona itū uma,ae le o le pitotasi.Ta’utino Kerry,ua ogatotonulemū le silasila mamao,ina ia matalatala nisi avanoa e fesoasoani i a’i latou o lo’o fa’aaogaina nei Malosi’aga,Eletise ma Kesi,ma puipuia aiātatau a le mamalu lautele,ave’ese auala ma tulafono faigatā a le Faiga Malo Fa’a Setete,o lo’o saisaitia ma taofia ai Pisinisi ma Kamupani,e fa’aulufale Auaunaga Fou,e fai ai le filifiliga sa’oloto a le tagata lava ia,aua o lona taga e totogi ai le Eletise ma le Kesi,i masina ta’itasi.Saunoa le Minisita Malosi’aga Eletise ma Kesi,a le Faiga Malo Maualuga,Angus Taylor,ua matagofie ma aoga lenei Ripoti,e fesoasoani i le Malo mo ni suiga fou,mo le Eletise/Kesi


I will never get back to normal-Masoe

“Ou te manatu ma le mautinoa,ou te le toe mauaina le malosi na ou ola mai ai”e ui o lo’o tausisi pea Foma’i ma lo latou talitonuga,e toe sologalelei ma fo’i mai le malosi o lo’u tino,o le augani fa’amama’i lea a se tasi o tamafanau Lakapi Liki Iloga Samoa,le susuga Mose Masoe,i le fa’atalanoaga ma Darcie Mcdonald,o le Daily Telegraph.I le mae’a ai o le tausaga,o pagatia ma tigaina lenei alo Samoa,i le manu’aga o lona Maea Alio(Spinal injury)a’o ta’alo i le laina i luma(forward) mo le Kalapu Liki Peretania,Hull KR.Ua aga’i nei ma fa’asolosolo ona manatunatuga,i le olaga pe a mae’a le Lakapi Liki.O Mose sa ta’alo mo le Sydney Roosters ma le Penrith Panthers,ae le’i tu’uva’a atu mo Peretania,e ta’alo mole Supa Liki lea na fa’amanu’alia ai,ma toe se’e ese se tasi o u’amea le tumau(artificial dics)mai lona maea alio(spinal chord)ina ua lavea i se pu’e maualuga(high tackle)O lea manu’aga o Masoe,ua pē atoa ma lē lagonaina se migoi mai lona fatafata e o’o atu i ona tamatama’ivae.Fa’ailoa mai le lagona tauivi ma le lototele o lenei alo Samoa,ua mafai nei ona la’ala’a,e aunoa ma se fesoasoani,se’i vagana le fa’aaogaina o to’oto’o e fealua’i ma savalivali lemū.Manatu Masoe,e ui i le suiga ua maua,a’o lona popolega,o le itū tau seleni aua le tausiga o lona Aiga,le to’alua ma le fanau iti e to’atolu,pe a mae’a le Feagaiga Ta’alo ma le Kalapu ia Novema 2021.O Masoe e le o se Nofomau(citizen)Peretania,o le a toe taliu mai ma fa’amautū i Ausetalia.Lipotia i le”The Sun UK”Nusipepa Peretania,na o le $50,000 pauni le maualuga o le Tupe Totogi o lana Inisiua e agava’a,ma mafai ona fa’amatu’u mo ia.Ta’utino lenei alo Samoa,ua tatau ona fai se suiga tele a le Lakapi Liki,i fa’amanuiaga tau tupe mo ali’i ma tama’ita’i ta’aalo,pe a a’afia i lavea ma manu’aga ogaoga,aemaise pe a tapuni ai le tino atoa,ma pē ai ma musele,e fa’aitiitia ai le migoi o vae ma lima(full paralysed)Fa’aalia e Masoe,ua taula’i nei lana vaaimamao,mo ana fa’amalositino (rehap)pe toe fo’i mai lona malosi,ae fa’amulimuli lona Aiga.


Don’t be soft on road killers

I le mae’a ai o le 11 itulā tamo’e o le Ta’otoga,e tau fa’asao le ola o se tagata talavou,i ni manu’aga ogaoga mai se fa’alavelave o le ta’avale saoasaoa,ua matuā ta’utino ai le Tama’ita’i Foma’i Tipitipi Fa’apitoa,mo Ta’otoga mai fa’alavelave fa’afuase’i(Trauma Surgeon)o Valerie Malka,ua matuā tumu le fua,ua tatau ona lava ma lava,le faiga fa’a pepe ma le māmā o Fa’asalaga,o aveta’avale o lo’o fasiotia tagata i luga o Alatele(va ane lau fa’afofoga Samoa)ona o le saoasaoa lē mafaufau,le kea ma le fia iloa,fia matamuamua.Ua amataina se Fa’alauiloaga(Campaign)mo le suiga o le Tulafono,ia matuā fa’aopo’opo ni Fa’asalaga Mamafa mo aveta’avale e maliliu ai nisi o le mamalu lautele,ona o uiga le kea,fiatagata,fia malosi i le aveina o ta’avale,ua tele ina ma’umau ai le soifua o fanau talavou.Fa’aalia e lenei Tama’ita’i Foma’i,le loto nutimomoia,ma le lagona o’otia i taimi uma,a’o taumafai e fa’aola se tama po’o se teine talavou,i laveaga i aveta’avale so’ona saoasaoa lē mafaufau.Ua tau fuafua e le Fa’amasinoga fa’asalaga mo nei aveta’avale,ae ua galonimo i le Aufai Tulafono,ma Fa’amasino,nai matua ma Aiga,o le Talavou po’o le tagata lea ua maliu,i lo latou lototigā,lagona fa’anoanoa ma o’otia.Ua foliga mai ua opogi le Tagata Solitulafono,ae afisi ma toso fa’atātā matua ma le Aiga Mafatia i Fa’anoanoaga.Ua auautasi nei Foma’i Tipitipi Fa’apitoa mo Ta’otoga Ogaoga,ma le Nusipepa o le Daily Telegraph,e tu’uina atu ni Suiga Iloga i luma o le Aufai Tulafono,e pei o le(1) Se’iina o le Laisene ma tu’uina sa’o i le Falepuipui(2)Se’iina le Laisene,Ave’ese fa’amalosi le ta’avale ma Falepuipui(3)Tu’uina i le Falepuipui,pe Falepuipui i le Fale,Se’i le Laisene,ave fa’amalosi le ta’avale mo le 3 tausaga(4)Toe silasila toto’a ma feliua’i le Aiaiga lona 10 o le Tulafono,aemaise i latou ua solia fa’alausoso’o,le aveta’avale saoasaoa ua maliliu ai le mamalu femalaga’i(Repeat offenders)


Anthony won’t be playing fullback

O le fa’amautuina o le Faiaoga fou a le Brisbane Broncos mo le Ta’amilosaga Lakapi Liki NRL 2021,le Faiaoga muamua o le Queensland Maroons,le Numera 9 lauiloa muamua a le Broncos,o Kevin Walters,ua tele ai ni mafaufauga ma talanoaga fa’asoa,a Tusitala ma le Aufai Mafaufau a le Lakapi Liki,po’o fea tonu o taoto ai le lumana’i ta’alo o le alo Samoa,o Anthony Milford.Ini fa’atalanoaga a Kevin ma le Au Fa’asalalau Leitio,Televise ma Nusipepa,na fesiligia ai le ali’i Faiaoga,i ana fuafuaga alualumamao mo lenei alo o le atunu’u,aemaise lava le maitauina,e le’i matuā iloga mai lana fa’atinoga i luga o le malae,i le tausaga ua mavae 2020,e le gata i lea,o le tausaga mulimuli lenei o lana Feagaiga Ta’alo ma le Broncos.Saunoa Kevin Walters,e le tau fa’amatalaina,o Anthony Milford,o le isi lea Tama Ta’alo Autū,e taula i ai le ituaiga ta’alo,o lo’o fa’amoemoe le Brisbane Broncos ma lana Pulega,e galue’aina ai le latou fa’atinoga i le 2021.Saunoa Kevin,sa ou faiaogaina Anthony i tausaga ua tuana’i,ou te malamalama lelei i le mafiafia o taleni ma agava’a o lo’o u’umia e Milf,e ia te a’u ma Faiaoga Lagolago,le faitalia pe fa’apefea ona fa’amumulu ma tatala le atamai ta’alo,o lo’o i lenei alo Samoa,mo le Broncos i le 2021.Fa’aali manino le ali’i Faiaoga.”Ou te tautala ma lo’u agaga fa’amaoni,e le’i taitai ona matala ato’atoa mai le atoponapona o Taleni,a lenei talavou Samoa”O la’u matafaioi ma le galuega a le Kalapu,ma Faiaoga uma,ia saunia metotia ese’ese,e fa’aaali ai le taleni ta’alo a Milford mo le Broncos.Se tasi o a’u matafaioi,o le fa’atonutonufolau,ma galue’aina se Si’osi’omaga talafeagai lelei mo Anthony Milford,i lona toe tausaga mulimuli i le Sunshine State.Ta’utino Kevin Walters,o Anthony Milford o le Numera 6,po’o le First Five,e le o se Fulupeki,e pei ona tofia ai e isi Faiaoga.O Anthony na soifua Brisbane,Kuiniselani,1994 i matua Samoa.


0 views0 comments

Recent Posts

See All
bottom of page