top of page
Search
  • Writer's pictureMaulolo Fata U. Malifa

Tala i vaifanua o Sydney NSW - 02 Me 2021

ScoMo’s hand of God

O le fa’asinoala ma le musumusuga a le”Mana o Le Atua”Saunoa le

ali’i Palemia Ausetalia,Afioga Scott Morison i luma o se Fonotaga

Tele Fa’a Kerisiano”Na valaau Le Atua iā te ia,e fai ma Ta’ita’i o

Ausetalia”He was’called to do God’s work’as Australia’s

Leader.Fa’amatalaina e le Tusitala a le Daily Telegraph,Rhiannon

Tuffield,Aso Lua 27 Aperila 2021,i lona taulimaina o se’Ata Video’na

pu’eina ma fa’ailoa fa’ananā.O se ta’utinoga a le ali’i Palemia,a’o

malaga fealua’i i vaega ese’ese o Ausetalia,i le vaitau o ana

Fonotaga ma Tautalaga Fa’atosina(Election Campaign)a’o loma ai le

Faiga Palota 2019,e tulimata’i ma taula’i lana vaai i fa’ailoilo mai Le

Atua,aetainane lona fa’atinoina o faiga masani Fa’a Evagalia,ma

lona Talitonuga Fa’akerisiano,o le’si’itia i luga o lona lima’a’o

Tatalo,i taimi o galuega.O lana Tofāmamao(Vision)lea sa pu’eina i le

Koneferenisi a Ekalesia Kerisiano Ausetalia-Australia Christian

Churches,i Gold Coast,i le vaiaso ua tuana’i,ae fa’alauiloa e le

Sosaiete Tagata Talitonu i Manatu Fa’aali i so’o se Fa’atinoga o le

Soifuaga i Totonu o Ausetalia (Rationalist Society)Se vaega o le

Saunoaga a le Palemia,na ia tā’ua ai,o le avea ai o ia ma lona

faletua o Jenny,ma Ta’ita’i o Ausetalia,o lō lā Tōfiga ma le Valaau a

Le Atua,e galulue mo Ausetalia.Mamafa fo’i lona manatu i le

fa’aaogāina sēsē o feso’ota’iga fa’aonaponei(SocialMedia)po’o luga

o Upega Tafa’ilagi,ua lē fes’ota’i i uiga lelei e pei ona fofoa mai ai,ae

ua fa’a’auūpegaina ai e le tevolo ma fai ai uiga matagā,e le to’atele

o tagata.Ta’utino le Palemia Scott Morrison,ua tatau ona matuā

taofi.Taimi muamua lenei ua tula’i mai ai se Palemia Ausetalia Lotu

Fa’atuatuaga Penetekoso,fa’aalia fo’i le si’itia o tagata lolotu i lenei

Tapua’iga,e ui e 1.1% pasene le Aofa’iga i Ausetalia.Fa’amatalaina e

le ali’i Palemia,se tasi o ana Asiasiga i se Nofoaga,e fa’atau ma

fa’alauiloa ai Tusigā Ata ma Ata valivali-Art Gallery,i Nu’u Tutotonu

o Niu Sa Uelese,na ia fesili atu i Le Atua mo se’Vavega Fa’ailoa’na

fa’ate’ia o ia,i lona va’aia o se”Ata uiga ese le telē,o se Aeto”o lo’o


fa’apepepepe i ona luma.Saunoa le Palemia,o le Feau ma le

Poloa’iga mo ia mai Le Atua”Scott momo’e,aua le fa’avaivai,savali

malosi,aua le setusetu,e ao ona tatala ou apa’au ma fa’aloaloa pei

ni apa’au o se Aeto”Talanoa Scott Morrison,aga’i i le uiga o”Uaga o

Fa’amanuiaga”BLESSINGS,le papa’i atu o ona a’ao i le tau’au o le

tagata mafatia,e maua ai le mafanafana fou,aemaise le taimi o

Talosaga.Saunoa le Palemia,o taimi ia e fa’aaogāina ai tatou e Le

Atua,e molimoli atu se Fa’amafanafanaga,ma Fa’amaisega e ala i le

Fa’atuatua Moni i lo tatou Atua,ma fanau mai ai le Fa’amautinoa i

loto ma Agaga o Tagata Lautele.Mr Morrison is Australia’s First

Pentecostal Prime Minister.


Dole recipients drop despite jobkeeper doomsyers

Ua ripotia mai le paū mauālalo,ua latalata i le 20,000 le aofa’iga o

tagata Ausetalia,sa maua tupe totogi mai le Malo po’o Penefiti,talu

ona fa’amuta le fesoasoani o le’Jobkeeper’lea sa fa’asafua mo

tagata faigaluega i le vaitau o le Fa’ama’i COVICD-19.Ua avea lea

ma mafua’aga ua talitonu ai le Faiga Malō Maualuga(Federal

Govt)ua amata ona sologalelei le toe tupu olaola o le Tamaoaiga o

Ausetalia,sa le’i fa’amoemoeina o le vave lea e o’o mai ai.E tusa ma

le 1,167,392 i latou sa mauaina le Tupe Penefiti(Jobkeeper)se’ia

aulia le 26 Mati 2021,lua aso ae le’i taofia i le mae’a ai o le

tausaga.Fa’aalia e i latou e atamamai fa’apitoa i Tamaoaiga e ala i

Tupe Maua(Economists)o lea fa’ai’uga a le Faiga Malo,pe tusa ma le

100,000 galuega e a’afia ai,ae o le Sailiga a le Nusipepa Daily

Telegraph,na iloaina ai e 1,148,096 le aofa’iga tonu ō i latou,ua ō

ese mai Tupe Penefiti fesoasoani a le Faiga Malo,iā Aperila 2021.

Fa’amauina fo’i le paū mauālalo o Tagata Talavou lē faigaluega,ae

fa’alagolago i alauni maua(Youth allowance) a le Malo,mai le

aofa’iga 129,021 i le 127,804.Saunoa le Teutupe a le Faiga Malo

Maualuga(Federal)Josh Frydenberg i le tali atu i le Malo,ua matuā

alagātatau le fa’amutaina o le Tupe Fesoasoani(Jobkeeper)o le ā

fa’ava’atu’ia ai le sologalelei o galuega maua,o lo’o galueāina e

Kamupani ese’ese,mo le fa’afaigaluegaina o tagata Ausetalia.O se

ripoti lata mai i le masina o Mati 2021, i le Fa’afanua o Galuega

Maua(Labour Force)fa’ailoaina le sologa matagofie lelei o fuafuaga

mo le Tamaoaiga olaola,a le Faiga Malo a Scott Morrison,ua silia le

to’atele o tagata Ausetalia ua maua galuega,mā i ai le naunauta’iga

e galulue,mo le taimi muamua,nai lo tausaga e tele ua tuana’i atu.I

le fa’ai’uga o le 2020,e 13% pasene le fa’aiti’itia o i latou sa matuā

fa’amoemoe i le Tupe Maua(Jobseeker)Amataga o le masina ua

mavae atu,Aperila 2021,e 339,183 le aofa’iga i Niu Sa Uelese,o lo’o

maua le Penefiti(Dole)o le palasi lea mai le 349,824,i le masina o

Mati 2021.


OneFour rapper banned from Mt Druitt

I Tusitusiga a le Tama’ita’i o Kate Lockley o le Daily Telegraph,29

Aperila 2021,fa’amatalaina ai le matuā fa’asāina o le alo Samoa o

lo’o Ta’ita’i,i le Aufaipese Tama Talavou-Sydney Hip Hop Group

‘OneFour’le ali’i o Jerome’Jemz’Misa,ona toe vaa’ia lona tino i le

Pitonu’u na soifua a’e ai,Mount Druitt.Mafua’aga o lea fa’ai’uga a le

Fa’amasinoga,ona o le alia’e mai o nisi solitulafono fou,e a’afia ai

lenei alo ta’uta’ua o le atunu’u i ana taleni’pese vave topetope’po’o

le’Hip Hop Rap Singer’Fa’aalia le tula’i o le ali’i o’JEMZ’lona suafa e

lauiloa ai,lenei 23 tausaga i luma o le Fa’amasinoga Mt Druitt i le

vaiaso ua tuana’i,ona o moliaga i le tufaina ma le u’umia o Fualaau

Fa’asāina(Drug supply)Fa’aalia e le Ofisa o Leoleo,le su’eina o

fualaau fa’asaina,ma la’au malosi(Drugs and Guns)a’o feagai

Jerome’Jemz’ma le pu’eina o se tasi o ana”Ata Pese Rap Musika

”Music Video”Ta’ua fo’i e Leoleo le mauaina o ni Pepa Tala Fualaau

po’o’Prescription Drug’ua sili atu le aofa’iga nai lo le numera

mana’omia fa’aaogā.Fa’aalia e Leoleo o Jerome”Jemz’Misa o se sui

iloga ma le tāua,o le Aufaipese Rap’OneFour’na amataina i Mt

Druitt,ae feso’ota’i lo latou igoa ma se tasi o maga’ala,fa’atupu

fa’alavelave.O fātuga a le’OneFour’e totogo a’e ai lagona fa’atupu

vevesi,molimau Leoleo,ua silafia e le Mamalu lautele,o le OneFour

e le o se”Vaega Fa’atupu Fa’alavelave”i Pitonu’i(Street Gang)Ta’ua

fo’i i le Tusitusiga,o le’Aufaipese Musika Vave Topetope OneFour’e

matuā mafiafia ona so’otaga ma le Pitonu’u o Mount Druitt,lea lava

e fa’amatalaina i upu ma fātuga o ana Pese.Tatou tatalo pea ma

fa’anōnōmanū mo nei alo ma tamafanau Talavou Samoa,o lo’o tafe

ane ma fa’atumulia o latou olaga i taleni Pese,ma Agava’a Siva,

fa’apea ma fa’atinoga fa’a Ata tifaga,o taleni foa’ifua a Le Atua mo

le fa’aaogā tatau,ae lē tāofia le fa’atonutonu folau o i tatou tagata

matutua,ina ia sologalelei maua’a,ma mausalī le latou Folauga fa’a

Tupulaga Talavou Samoa,a’o Ola ma Soifua a’e i Ausetalia nei.O le

matafaioi mautinoa a Nu’u ma Ala’alafaga o Samoa,o le fa’asoa,


tapu’eina,fautuaina ma tu’ualalo mo nai a tatou Fanau

lalovāvaoa,mo se Lumana’i Manuia o Samoa mo ā Taeao.

‘It takes the whole Village to Raise that Child”


Osigā Feagaiga-Vaipuna O Le Olataga

Pe tusa ma le 4 masina talu ai,i le tau masuigāmalie ai o le Fa’ama’i-

COVID-19,24 IANUARI 2021,na faia ai se Sauniga masani,a le

Ekalesia Fa’apotopotoga Kerisiano Samoa-EFKS,o le fa’atūina o se

Aulotu Fou i totonu o le Pulega,Sini Saute,lalo o le fa’amalumaluga

a le Matagaluega Niu Sa Uelese,ta’ita’iga a le Susuga i le Toeaina

Fa’atonu,Malifa Taeipo ma le faletua iā Sitaua Malifa.O le suafa o

lenei Tovine Fou o le”EFKS Vaipuna O Le Olataga”O lenei Aiga

Lotu,ma ona Tagata Tapua’i,i le taufoafoaina,ma lona amataga,Aso

22 Tesema 2020,o se Tofā na a’e,ma se Fa’autautaga Saili a Alo ma

Tamafanau,po’o Lupe Fa’alele uma a le Afio’aga o Lalomanu,i le

Matā Aleipata,aemaise o latou Paolo ma Gafa,ua Tau Tupu ai le

Alalafaga,ma le Nu’u o Lalomanu i Samoa,ma le Lalolagi atoa.O le

Fa’asuafaina o lenei Tovine Fou”EFKS-Vaipuna O Le Olataga

Lalomanu,saunoa se Tamali’i Iloga o le Alalafaga,e le gata i le

tau’aveina pea o le Suafa o lo latou Malumalu i Lalomanu Aleipata

Samoa,ae fa’amanatu fa’aauau ai ma manatua pea le Susuga

Toeaina Fa’atonu,Isaia Pisa Tiatia,na ia fa’aigoaina le Malumalu o le

afio’aga i Lalomanu”Vaipuna O Le Olataga”o le Fa’afeagaiga Tau-i-

Lagi a le nu’u mai le tausaga 1979-2015,tusa ma le 36 Tausaga,e le

fa’agaloina e Alo ma Tamafanau a Lalomanu,le sao tele o lenei

tamā Faifeau,e le gata i le Mafutaga fa’alenu’u ma lana

Faifeau,aetainane tupulaga lalovaoa faia’e a lenei Alalafaga iloga o

Samoa.Mo le silafia Samoa ma lau fa’afofoga tapua’i i lenei taeao

manino o le Sapati a Le Atua,aetainane le Aso Sa Fa’apitoa o le

Fa’amanatuga,o le taimi muamua lenei i le Tala Fa’asolopito o le

EFKS,ua fa’atuina ai ma amata se Aulotu,a se Alalafaga Taumavae i

Samoa,i fafo mai o le Laumua o le Ekalesia Fa’apotopotoga

Kerisiano Samoa,i Malua.O le Aso lā ananafi,na fa’ataunu’uina ai le

Sauniga,o le Osigā Feagaiga a le Aulotu Fou”Vaipuna O Le Olataga”

ma lo latou Tofi,Susuga i le Faifeau,Laga’ata Gase ma lona faletua ia

Mena.Fa’atumulia le Maota Tapua’i EFKS Sini,977 Forest Road


Lugarno i le mamalu o Pulega,ma le Matagaluega Niu Sa

Uelese,Paia i le Aufaigaluega Folafola o le Talalelei,mamalu o Aiga

na Lua,aetainane Samoa na potopoto.O le Susuga lava i le Toeaina

Fa’atonu,Matagaluega Niu Sa Uelese,Malifa Taeipo Savea Malifa na

ta’ita’ia lenei Osigā Feagaiga matagofie,Molimau a le Aulotu,na

saunoa i ai le Susuga i le A’oa’o Fesoasoani,Tavaga Saini

Brown,Lauga ma Upu tima’i mo le Aulotu Fou,na saunoa i ai le

Susuga i le Faifeau Samoa,Mofate Fuimaono,EFKS Saint

George,Lauga ma Upu apo’apoa’i mo le Faifeau Fou ma lona

faletua,sa saunoa ma laugaina e le Susuga Faifeau Samoa,Auatama

Iese,EFKS Austral,Sauniga o le Fa’amanatuga,saunia e le Faifeau

Fou,Susuga Laga’ata Gase.O Upu fa’amamafa na laugaina e le

Aufaigaluega a Le Atua,mo le Faifeau ma le Aulotu fou”Aua le

fa’alavelaveina,Aua le Fenumia’i,A ia amio sa’o ma Fa’amaoni”

Mae’a le Sauniga,soso’o ai ma le Ta’umafataga tele Matagofie na

saunia lava e le Aulotu,Punavai O Le Fa’aolataga.Taualuga i

Fa’aaloaloga masani mo le Aufaigaluega Paia a Le Atua,Susuga i

Toeaina ma Faletua,Faifeau ma Faletua,Afioga i le Tiakono Toeaina

ma lona faletua,Faifeau Malolo Manumalo,Vasega o A’oa’o

Fesoasoani, aetainane afioga i Tiakono ma Samoa Potopoto.Afioga i

le Tiakono Maugaitoga Taki,sa fai ma Fofoga o le Aulotu fou.O le

To’oto’o o Tuisamau,Afioga Ututa’aloga Fata Fausaga Fa’avaoga,sa

fai ma sui o le Aufaigaluega Paia a Le Atua,ma le Mamalu o Samoa

na auai,e momoli le Fa’afetai i Fa’aaloaloga maualuga o le

Aso.Matafale ua amata ai le Aulotu’Vaipuna O Le Olataga’o le

afioga o Lalomanu,Le afio o le Tuiatua Fa’anofonofo,afio mai le

Falefia o Ali’i ma Ma’opu,Susu mai oulua Suafa,Maliu mai outou o

To’oto’o,Fofoga o Fuataga.Maliu mai Leifi,o oe o le Matua,Paia ma

le Mamalu maualuga i le afifio iā te oe Saleaumua.

1)Tofa Nu’u Fagamealalata Seuala

2)Afioga Simanai Lautusi & Faletua

3)Tofa Maugaitoga Taki & Faletua


4)Tofa Taulupe Sipi Seuala

5)Siaosi Malaga & Faletua

6)Afioga Tiakono Eddie Sua & Faletua

7)Faletua Va’asā Fuimaono

8)Susuga Siaosi Pasiga

9)Susuga A’oa’o Fesoasoani Tavaga Brown & Faletua,sa tausia le

Aulotu a’o fa’agasolo le fa’amautūina o le Aulotu Fou.Tatou talosia

le fa’amoemoe o le Alaalafaga o Lalomanu,ma ona Paolo ma Gafa

Sausausema,e ala i le fa’atuina o le”Punavai O Le Fa’aolataga”i

laufanua o Sini,Ausetalia.Fa’amanuia atu Talafou a le Fofoga

Mo’omia i lau Susuga Laga’ata ma le Faletua iā Mena

GASE,aetainane le Tovine Fou”Punavai O Le Fa’aolataga”Se tasi o

lupe fa’alele a le afio’aga o Lalomanu,o le Afioga i le Tiakono

Toeaina,Matagaluega Niu Sa Uelese,Afioga Letoa To’afā Fuataga

ma le Faletua iā Asopa.


Up and Coming Pacific Sports talents

Otesa Pule

Ua vavala mai le aga’i alualuiluma i se taimi vave,o nisi o alo ma

tamafanau talenia i Ta’aloga,talavou a Samoa ma le Pasefika.Tusia

e Jocelyn Airth o le Daily Telegraph,30 Aperila 2021,le tama’ita’i

talavou Samoa ua maoa’e le tomai,fa’amaoni,ma lona naunauta’i e

tulimata’i metotia ese’ese fa’aonaponei,e tulaga’ese ai lana

fa’atinoga i taimi o koleniga,aemaise pe ā valaau lona igoa,e ta’alo

amata i se ta’aloga.Tama’ita’i Talavou Samoa o Otesa Pule,o lo’o

a’afia i le Polokalame Lakapi Liki,a le Kalapu”Sydney Roosters

Indigenous Academy”ua ta’uta’u e Faiaoga Lakapi Liki,e matuā

maualuga lona lumana’i,e mautū ai se Feagaiga Ta’alo ma le Kalapu

Tamaoaiga Malosi i le NRL,Sydney Roosters.Ta’ua le malosi ma le


ma’ai o lana ta’alo i le tulaga loka(second rower)Muamua i le aofa’i

o ana sikoa e(10)Fa’a(10)ona ia talepeina le laina puipui a le isi

au(10)line breaks,toe tulaga muamua i le aofa’iga o mita e momo’e

ai(1288.6 meters run)Tatou tulimata’i lenei alo tama’ita’i talavou

Samoa,i le taunu’uga o lana taleni Lakapi Liki,i lenei tausaga 2021.


Josh Schuster

O le alo Samoa o Josh Schuster,ua fa’amatalaina o se au’upega

malosi,ma se fa’amoemoega mautū o lo’o taula’i pea i ai,le silasila

toto’a a le ali’i Faiaoga Ulu o Manly Sea Eagles,Des Hassler.Pei ona

tusia i le ripoti o Ta’aloga a le Daily Telegraph,le ali’i Tusitala o

Ta’aloga,Nick Campton,o Fetu Pupula ia na fa’afailele e le

Blacktown Workers Sea Eagles,o Kalapu ia ua tu’uina i ai le Ioega

ma le fa’atuatuaga,o Manly Sea Eagles,e mata’ituina ma tapu’e

fanau talavou,ma le fa’amoemoe e ausia le Au Maualuga,po’o le

Premier Level.Fa’aalia o lenei alo talavou Samoa Josh Schuster,ua

taulamua,i le fa’asologa o tama ta’alo talavou,e sili ona vave ma

masausau,le tomai o lana ta’alo i le taimi nei,mo Manly Sea Eagles

Fa’amalieina Des Hasler,ona e agava’a lana ta’alo i so’o se tulaga e

filifilia ai(Uytility Allround)Telē le silafia o Schuster i le fa’atinoina o

vaega faigofie o le Lakapi Liki,e pei o le pasi ma le sapo o le

polo(pass and catch)lelei le fa’aaogaina o ona vae,i le tau fa’asese,e

pei fa’amatala e nisi o tama ta’alo(electric footwork)Nisi nei o

agava’a fa’anatura(natural skills)na ta’utaua ai le uso o lona tamā,le

2 nd Five Eight muamua a le All Blacks,Faiaoga muamua a le Ta’ito’a 7

a le Manu Samoa,John Schuster.Ua filifilia nei e Des Hasler Josh

Schuster mo le Au Maualuga a Manly Sea Eagles.Talosia le tautai

a’e a lenei alo talavou Samoa,ma lana Fa’atamasoali’iga i le 2021.


Toafofoa Sipley


O le fa’aopopoina pea o le manu a’e o taleni talavou fanau

Pasefika,aemaise Samoa i Ta’aloga i Ausetalia,Niu Sila,fa’apea

Amerika,ma isi atunu’u o le Lalolagi.Ua toe lagonaina ai fo’i le

tu’ufesili o Ali’i ma Tama’ita’i Porofesa,ma Foma’i Atamamai i

Taleni Ta’alo,i le mata’itūina o Tupu’aga o Tagata Ta’aalo Ese’ese o

le Lalolagi,pe i ai se Fale Gaosi Mea Fa’apitoa(Special Production

Line Facility)e fausia ai taleni ta’alo a Tagata Pasefika,aemaise

Samoa.Mafua’aga o nei lagona tutupu a’e,auā e le masino le

fananau ma soifua mai pea o taleni,talavou Pasefika i so’o se

Ta’aloga,i tausaga uma fa’aauau.O nisi mafaufauga ua aga’i i fanau

Pasefika,ua talagafa matua Samoa,i Tagata mai isi atunu’u,sa le

masani ai.O le ali’i talavou o Toafofoa Sipley,Samoa Niue Papalagi,e

3 toto feso’ota’i o lona Tupu’aga,fa’amatalaina e matuā mafiafia

lana taleni Lakapi Liki.Se tasi lea o filifiliga fou a le Manly Sea

Eagles,o lo’o ogatotonugālemū i ai le vaaimamao a le Ali’i Faiaoga o

Des Hasler,a’o tau fa’atonu folau ai le Sa o Manly, talu le amataga o

le Ta’amilosaga 2021.O Toafofoa Sipley na soifua mai Aukilani,Niu

Sila i matua,Samoa Niue Papalagi.I lona tuputupua’e la’iiti’iti sa

fa’afailele e le Kalapu Liki,Richmond Rovers,Grey Lynn Aukilani,

soso’o ai ma le sainia o se Feagaiga Ta’alo,ma le Kalapu Lakapi Liki a

le NZ Warriors.Taimi nei ua i totonu o api a le Manly Sea Eagles.

Fa’atoā 25 tausaga o le soifuaga talavou o lenei alo Samoa.

9 views0 comments

Recent Posts

See All

Comentarios


bottom of page