top of page
Search
  • Writer's pictureMaulolo Fata Ueligitone Malifa

Tala i vaifanua o Sydney NSW - 04 Iulai 2021

Teachers shortage hampers schools Ua matuā talanoaina e le Faiga Malo Maualuga,Federal,fa’apea Faiga Malo Fa’a Setete,State Government,le fa’aiti’itia maualalo ma le lē lava o Faiaoga,ua avea ma popolega tele,i Pulega fa’ale A’oa’oga i le Setete Niu Sa Uelese.Ua fa’ailoaina fo’i le taumamao o ali’i ma tama’ita’i,sa i ai le naunauta’iga e avea ma Faiaoga a’otauina(Trainees)O se ta’utinoga mai Iunivesite,le paū maualalo o tagata a’o’oga mo ni Tusipasi Tikerī Faiaoga(Education Degrees)ae to’atele fo’i i latou ua fa’aselemutu ma ua le mae’a a’oa’oga mo fa’ailoga mo se Tikerī Faiaoga.I fa’amaumauga a le Matagaluega A’oa’oga Niu Sa Uelese,manino ai le fa’aiti’itia o Faiaoga,e o’o lava i Aoga Laiti,ua le mafai ona fa’atumu,le 10 avanoa Faiaoga.E 1148 avanoa Faiaoga i le masina o Me 2021,ua matuā le mafai ona maua ni Faiaoga,i Aoga i le Setete Niu Sa Uelese,taimi nei.Se tasi o mafua’aga alia’e e pei ona fa’ailoa mai,o le fa’aopo’opoina pea o le oso maualuga o le Faitau Aofa’i o Tagata malaga mai(Population Growth)ua si’itia maualuga ai le mana’omia o ni Faiaoga,aemaise lava i Pitonu’u ma Itumalō,ona ua se’e ese le tele o tagata,mai Nu’u tau lalata i le taulaga. Fa’aalia e se tasi tomai fa’apitoa i gasologa o Faiaoga ma le Tamaoaiga,e mana’omia e le Setete,le 11,000 ni Faiaoga ae le’i aulia atu le tausaga 2030 Saunoa le Tama’ita’i Minisita o Aoga,Niu Sa Uelese,Sarah Mitchell,ua mae’a ona fa’ata’atia ese le $124.8 miliona tala,o le Tala o le Tupe a le Setete,e fa’aagaga mo suiga tetele ia,o le ā fa’ailoa aloa’ia i se taimi o le masina fou.Fa’aalia e le Peresetene Fa’alapotopotoga Faiaoga Niu Sa Uelese,Angelo Gavrielatos,a lelei maualuga totogi,fa’aiti’itia isi galuega e fa’amamafa i Faiaoga,ia atoa le taimi o le Faiaoga mo le a’otauina o fanau,aetainane le Faiaoga ua pasi ma fa’a’au’upegaina ato’atoa,ma lava tāoso i metotia fa’ale a’oa’oga.Nisi nei o Pitonu’u ma Aoga Maualuluga,o lo’o a’afia tele i le mana’omia vave o ni Faiaoga i le taimi nei.Chiefly College Mount Druitt,Chester Hill High,Amabavale High,Belmore High,Punchbowl Public ma Evans High i Blacktown.Se tasi nei Auaunaga tāua pe ā i ai se faiaoga i totonu o se Aiga Samoa. Manatu Talafou,e tele taleni ma agava’a lilo a alo ma fanau Samoa,e māsausau ma māai le mafaufau,e a’otauina ai mo ni Faiaoga i Niu Sa Uelese,aemaise le mana’omia o ni Faiaoga Pasefika,ma Samoa,auā ua fa’aopo’opoina pea le mamalu o si o tatou atunu’u,ua fai Sini nei ma o tatou Nu’u ma Aiga.O le tu’ufa’atasiga o Tagata Pasefika,e pei ona fa’ailoa i Numera o Fa’amaumauga,e maualuga ese lava Samoa,o i tatou fo’i Tagata Atumotu,na mu’ai autova’a mai i Ausetalia nei,aemaise i Sini Niu Sa Uelese. System failing the very young O se fa’anoanoaga fa’aauau pea i le to’atele o matua i Niu Sa Uelese,le umi o se taimi e maua ai ni avanoa,mo le va’aia o Foma’i Fa’apitoa o le Gasegase o le Mafaufau (Fai’ai)po’o le Mental Health Specialist.Ua tele lava ina le popole ma fa’atuatuana’i,e tu’uina ni avanoa e saili toto’a ai le a’afiaga tele o fanau iti, fa’apea fanau talavou ua vavala ma atagia uiga lē ato’atoa o le mafaufau. Ripotia e Ken Pike o le Daily Telegraph,Iuni 20,le sa’i a matua ona o le fa’ateletelegese,ma ua le mautū mai ni avanoa vave e talanoa ai ma Foma’i Fa’apitoa,o lenei gasegase ua māsausau le a’afia tele ai o fanau talavou.E ui la i le si’itia maualuga o le sasao o lenei fa’afitauli,ma le fa’aopo’opo pea o fanau talavao,ua pulea soifua,ae o lo’o fa’atamala pea le Setete Niu Sa Uelese,e fa’atulaga lelei le fa’atinoga ma le tausisia,o aiaiga talafeagai,ia vave ona va’aia ma fa’atalanoa fanau talavou,ua fa’ailo mai ‘auga o le Fa’ama’i.Fa’aalia manino e le Fa’atonu o A’a’oga o le Fai’ai ma le Mafaufau (Brain and Mind Centre Policy)Professor Ian Hickey,o le numera tele o fanau ua o’o i se tulaga ogaoga,le a’afiaga o le fai’ai,e 8 vaiaso e fa’atalitali ai ni avanoa o Foma’i Fa’apitoa,ua tele ina fa’asino nai matua ma fanau,i le Vaega o Gasegase ma Ma’i Fa’afuase’i(Emergency Department)o se fa’ailoga faia’ina ma tu’ulafoa’ina,ua le fa’atāuaina fanau talavou,ua alia’e mai mafatiaga o le Ma’i o le Mafaufau po’o le Fai’ai ua Valea,ua masani ai lau fa’afofoga.Tusitusiga lata mai,taimi uma lava e aga’i ai i le Falema’i,o le tali masani,e le o i ai se afaina o le mafaufau o le talavou,ua tu’uina atu le fa’amoemoe i matua ma le Aiga,e sailia se fōfō o lenei gasegase.Masina o Ianuari e aulia Mati tausaga nei,2021,to’a 9 fanau talavou.lalo ifo o le 18 tausaga,na pule i o latou ola, i Niu Sa Uelese fa’atusa i le 10 na pulea soifua,i le piriota lenei tausaga ua mavae,2020, Fa’amaumauga a le Matagaluega Soifua Maloloina Niu Sa Uelese.Mai iā Ianuari o’o atu iā Tesema 2020,e 30 fanau talavou lalo ifo o le 18 tausaga na pulea le ola,pe tusa o le to’a 3 i le masina.Fa’aalia nei,ua atofaina e le Faiga Malo Maualuga(Federal Govt)le Tupe Fa’aagaga e $26 miliona tala,e fa’aleleia ai feso’ota’iga fa’a Satelite i nofoaga ese’ese uma o Ausetalia,ia televave ona fa’agasolo togafiti o lenei gasegase matu’iā,ua fa’aopo’opoina pea alo ma fanau talavou,ua ma’uma’u ai o latou soifua mu’amu’a.Taga’i ane pea,auā e seāseā lava ona fa’asoa tatala mai fanau talavou,ua i ai a’afiaga ma lagona fia pulea le soifua,e fa’atino lēlēoa lava. Children ‘turn into violent criminals Ua fa’alauiloa mai isi tulaga maoa’e lea ua ausia e fanau iti,ma talavou ua matuā siamupini i ta’aloga i luga o komipiuta,po’o ‘video games’Ini saili’iliga umi ma le mae’ae’a a Tama’ita’i Tusitala o Natasha Bita,ma Jennifer Dudley- Nicholson,o le Daily Telegraph,Lomiga Aso 20 Iuni 2021, fa’amaonia ai le fa’aaoga fa’agaoi ma fa’anānā o Pepa talatupe a Matua (Credit,Visa ma Debit card)e fanau talavou,ona ua matuā taumulimuli lava i le fa’atonuga a le ta’aloga komipiuta(video game)Nisi o fanau ua le o’o atu i Aoga,to’atele ua fai finauga ma i’u ina misa leaga ma matua,pe ā liliu ane matua e tap le computer,pe nāna le labtop.Fa’aalia e Foma’i Fa’apitoa o Aga Feso’ota’i ma Mafaufau(Psychiatrists and Phsychogists)o fanau ua le mafai ona tū’ua(addictive) le ta’aalo i ta’aloga fa’akomipiuta po’o video games,ua fa’atusaina i a’i latou ua malosi i ta’aloga pelētupe(Gambling)ma inumia ma fa’aaoga Fualaau Fa’asaina(Drugs)ua le o toe usita’i i fa’atonuga a Matua, ua sili atu ona latou fa’alogo ma amana’ia le fa’atonuga mai ‘Video Games’ i lō se tala a le tamā po’o le tinā.Fa’amatalaina fo’i le mafiafia ma fa’aopo’opo pea le tele o tupe maua a nei Kamupani,faia ta’aloga computer(Computer Games)a’o lo’o tau fa’atonu fa’asa’osa’o fanau talavou,ua suamalie le loka o le potu,la’u atu ma mea’ai i le aso atoa,ae fa’aopo’opo ai ma le tino puta o le tamaiti’iti na o le 12 tausaga,mafua’aga,ua matuā leai se tapasā o le olaga tuputupua’e talavou.Saunoa le Foma’i Fa’apitoa i uiga va’aia o fanau iti,Dr Philip Tam o Sini,ua faigofie ona fa’aaoga le fanau,auā e se’e gofie i fa’atosina fa’aonaponei,aemaise luga o Televise,Ata tifaga ma ta’aloga Video games,ma le tele o fa’asalalauga,ua avaga pea i ai le vaai ma le mana’o o fanau iti ma le Autalavou.Fa’alauiloa e Dr Daniel Pellen,Royal Australian and New Zealand College of Psychiatrists,ua alagātatau ona fa’aauau ni Su’esu’ega ma ni Iloiloga loloto i a’afiaga o so’o se tagata,aemaise fanau iti ma tupulaga talavou,lea e ta’aalo i luga o Upega Tafa’ilagi,po’o Video Games.Tā’ua fo’i lea fa’atoā tau feala mai Ausetalia,i le ogaoga o le tulaga o computer ma Video games,i olaga o fanau talavou.Fa’amanatu atu ma le agaga fa’aaloalo,ne’i sopoloa le ta vaai i le taimi e ao ona fa’amuta ai le fa’aaogaina o le tablet,labtop,mobile ma le computer i totonu o leAiga. Master and Apprentice deserve to be celebrated E maua le taui talafeagai lelei o i latou na galulue punoua’i i A’oa’oga Fa’amatāta Ese’ese,mo ni Tusipasi Taualoa,i le vaitau o le sasao ma pipisi o le Fa’ama’i COVID-19,tausaga ua mavae,2020.O le ta’utinoga maumautūtū lea mai le ali’i Minisita o,Employment,Workforce,Skills,Small and Family Business,o Stuart Robert,i le vaiaso ua tuana’i atu.Fa’amaninoina mai so’o se tagata Aoga ua fa’amanuiaina,ini Tusipasi Taualoa,fa’atasi ma i latou na faiaogaina i le taimi tonu o le mamafa o le COVID-19,po’o sau Aoga Fa’a Pisinisi,tapu’eina o ou Agava’a,fa’alauteleina o lou tomai e avea ai oe ma Pule po’o se Ta’ita’i (Manager or Team Leader)ma maua ai se silafia lelei mo le galuega o lo’o e galue ai.Ua atofaina nei e le’Tino o Taui mo A’oa’oga Fa’amatātā Ese’ese Ausetalia(The Australian Training Awards)ni fa’amanuiaga mo i latou nei.Saunoa le ali’i Minisita,le fa’amuamua a le Faiga Malo Maualuga(Federal)i le tapu’eina ma lalaga mai le tele o taleni ese’ese a Tagata Ausetalia,mo le toe fa’aolaola ma fa’aleleia atili le si’itia o le Tamaoaiga tau Tupe ma Galuega maua i Ausetalia,talu mai le tifatō i a’afiaga, e lē taufa’ailoaina ona o le Fa’ama’i,COVID-19.Tā’ua manino le fa’ata’atia ese o le tino-i-tupe $4 piliona tala,e fa’aagaga mo le tapu’eina ma le ati’ina’a’e tomai mana’omia,ma le poto masani o lo’o ta’ape i Tagata uma ua avea,ma tā’ua Ausetalia,o le Nu’u moni,aemaise le fa’amoemoe maualuga mo Augā Tupulaga faia’e o Ausetalia.Manatu Talafou,pe le o le vaitau tonu lenei e susu’e ai le taleni ma lou agava’a lilo,o lo’o tanutanu pea i totonu iā te oe,atonu e aulia atu le Kerisimasi,ua fanau mai ai se fa’amanuiaga ma se amataga fou mo se isi galuega fou,sa le manatu e mafai ona e fa’atinoina,auā le fanau ma o tatou Aiga. This has to be our greatest failure A’o vevesi ma fememea’i Ausetalia po’o ai tonu e fa’alogo i ai,mo se vaila’au Tui talafeagai mo le Fa’ama’i COVID-19,ae ua felelei solo fa’amatalaga,ma mapuna a’e fa’aseā ma faitioga ese’ese,e fa’atututonu i a’i latou o lo’o i ai le tomai Fa’a Soifua Maloloina,aemaise le silafia fa’apitoa o Fa’ama’i pipisi,e pei o le FLU,Dengey Fever,AIDS ma le COVID-19.Fa’amatalaina e nisi,o le faia’ina pito i silisili lea ona matagā,mo Ausetalia ma ana Foma’i Fa’apitoa mo ia itūaiga gasegase,o lo’o feagai ma le Lalolagi ua silia nei ma le 15 masina talu ai. Fa’aalia mautinoa fo’i le fa’aletonu ma lē ‘au’au o le pitolaau a le Faiga Malō Maualuga(Federal)aemaise le feaina’i ma le fiapopoto o Ta’ita’i ma Faiga Malō Fa’a Setete,ma ā latou Foma’i Fa’apitoa i Vaila’au,e ono maua ai se Fofo o le COVID-19.Fa’amatalaina e le Adjunct Professor,Bill Bowtell o le UNSW,i le Daily Telegraph aso ananafi,le paū maualalo o le fa’atinoga a le Auaunaga a i latou,o fa’atauta’ia le Soifua Maloloina Lautele(Public Health Administration) ua o’o ai i le tulaga maualalo,ma le faia’ina ua i ai nei.Fa’aalia e Bill Bowtell i le 30 tausaga talu ai,sa a’afia i le tau fofoina o le manua’e o le Fa’ama’i(AIDS)silia ma le 10 miliona tagata Ausetalia na fa’asaoina Soifua,auā sa fofola uma ma fai i le fa’amaoni tauiviga a’o sailia se vaifofo i lea vaitau.Fa’afitauli muamua o lo’o feagai ma tagata lautele i le taimi nei,ua fa’atino vaega uma i le fa’alilolilo o feutaga’iga ma talanoaga,ua fa’anāna soalaupulega a le Malō ma i latou e i ai le silafia i Tui Vaila’au ma agava’a Fa’a Foma’i.Fa’aalia manino le lape o le faia o se tu’utu’uga e tā mau a’i le okaina o le Vailaau Tui-Pfizer,ina ua atofaina mo Ausetalia iā Iuni i le tausaga ua mavae,2021,po’o penei ua sologalelei ma māui atu le ogaoga o le Fa’ama’i.Fa’amaonia ua nā o le 10 miliona na okaina,tusa ma le 1 vae 5 o le Faitauaofa’i o Ausetalia,ua fa’amoemoe tele le Faiga Malō Maualuga(Federal)i le Vaila’au Tui- AstraZeneca,o lo’o gaosia i Ausetalia nei,a’o le fa’afitauli mautinoa,ua fa’aagaga lea Vaila’au Tui mo i latou,ua ta’i 60 tausaga ma le sili atu(60 plus) Mini Taupaū’s a class act O taleni ma agava’a i Mataupu tau A’oa’oga,Galuega maua,Soifuaga i totonu o Aiga,Fa’aau’upegaina i le tomai i Ta’aloga,aemaise le Ava i Le Atua ma Matua,ma le ola tuputupua’e i totonu o le Lotu ma le Ekalesia,o ia manuia tu’ulima ma Fa’amanuiaga,mo alo ma tamafanau a Samoa,o Meaalofa uma mai Le Atua.A afea la lou Aiga e le ma’au ma le sosia mai Le Atua,e ala i se taleni ta’alo a le atali’i ma le afafine,e ao ona si’itia le Viiga o Le Atua,auā e le o i tatou uma ma Aiga e maua nei Fa’amanui’aga.O Tusitusiga a le Tama’ita’i Tusitala Lakapi Liki a A’oga a le Daily Telegraph,o Jocelyn Airth,na ia fa’amatalaina auili’iliina ai le manua’e a se tasi o taleni A’oga Samoa,le atali’i talavou fa’atoā 17 tausaga le matua,Tamotu Junior Taupaū.E le tau fa’ailoaina o le uso la’iiti’iti,o le tama ta’alo i le laina i luma(forward enforcer)a le Manly Sea Eagles,Martin Taupaū.O Tamotu o le Fetū Pupula lea a le Canterbury Bulldogs,i le Ta’amilosaga Harold Matthews Cup,e le’i mamao tele atu.Ua ulufale atu nei o se sui fa’amoemoeina o le’Combined High Schools Opens’mo le Siamupini A’oga Niu Sa Uelese.Fa’amatalaina e le Faiaoga o le Au Lakapi Liki a le Endeavour High School,Brad Kelly,e telē ma manuia le lumana’i ta’alo a lenei alo talavou Samoa,e vave ma mataālia(he’s quite quick)paleni lelei le fesuia’iga o ona vae pe ā tamo’e(good on his feet)atamai ma malosi lana fa’aaogaina o le polo pe ā osofa’i.Na ulufale Tamotu Junior i le A’oga na aoga ai lona uso matua o Martin,ENDEAVOUR,na i’u Martin i le 2008,lea ua talia fiafia e le A’oga le taunu’u atu le isi Taupū,amataga o le 2021.Ta’utino le ali’i Faiaoga,e leai se ese’esega tele o lenei usoga,se’i vaganā Tamotu Junior,e le’i taitai ona muta le tuputupua’e o lona tino,o se itū lelei mo le tapu’eina o lana taleni ta’alo.Ta’utino fo’i Brad Kelly,o le taliaina o fanau A’oga i le Endeavour High School,le mana’omia o le amio pulea(good behaviour)fa’aali o uiga fa’aaloalo(utmost respect)mautinoa le mae’a uma o Mataupu Fa’ale a’oa’oga(School Assessment)ma le 90% pasene le auai atu i le A’oga (attendance rate)Saunoa le Faiaoga,ua ausia uma e Tamotu Junior Taupaū ia vaega,auā o se atali’i fa’aaloalo toe amio tausa’afia,taimi muamua na feiloa’i ai i le amataga o le 2021,aemaise le fa’amasani gofie ma nisi o fanau,e ta’aalo fa’atasi i le BULLDOGS.Ua telē lona sao mo le ENDEAVOUR,e ui e le’i atoa se tausaga talu ona ulufale atu i le A’oga,aemaise ta’aloga e 2 ma Au malolosi a Patrician Brothers Blacktown,ma The Hills High School.O taleni foa’ifua a Le Atua mo Matua ma Aiga,aemaise Samoa ma Ekalesia.Manatu fo’i o se fiafiaga tele lea mo nai Matua,Afioga Tiakono Taupaū Tamotu ma le faletua iā Fa’apōpō,aetainane le Aulotu EFKS Sini.Tamotu Junior,o le sui Autalavou.O alaalafaga o lenei atali’i talavou,Manono,Aiga-i-le-Tai ma Sa’anapu. Papali’i feels the love,on and off-field A aunoa loa ma le lagolagosua ma le tu’ualalo a Matua,i taumafaiga ese’ese a le fanau,e lē mafai lava ona i ai se atoaga,taunu’uga lelei o ia fa’amoemoega.O le vaiaso ua mavae,na taunu’u manuia ai i Sini nei le Tama’ita’i Lakapi Liki a le NRL,Lorina Papali’i ma lona ali’i o Jerry,o se lā malaga fa’alilolilo e asia lo la alo,le sui finafinau o le laina i luma a le Parramatta Eels,Isaiah Papali’i.O le Tama’ita’i Samoa/Niu Sila o Lorina Papali’i,e le’i mamao atu ona fa’aigoaina o le”Tama’ita’i Silisili ona Ta’alo Lelei a Niu Sila”NZ Best Female Player.Lea ua malaga mamao mai e toe feiloa’i,ma tapua’ia si ona alo Isaiah Papali’i,ma lona toe ulufale mai i le Ta’amilosaga NRL,ina ua mae’a le sainia o le Feagaiga Ta’alo ma le Eels,i le fa’amavae atu i le Kalapu NZ Warriors tausaga ua mavae O Lorina o se sui iloga o le Au Filifila Lakapi Liki Tama’ita’i,Kiwi Ferns,fa’aalia i Tusitusiga a le Telegraph,o se Tama’ita’i ta’alo,e maoa’e le tele o fa’amanuiaga na ia mauaina i lona fo’i vaitaimi ta’alo.E 2 Ta’amilosaga Ipu Lalolagi Lakapi Liki Tama’ita’i na tausiniō ai,saunoa Lorina,pau lava lana fa’amuamua i le taimi nei o le maimoaina o si ona alo,Isaiah Papali’i,ina ua toe pale mai e fa’aauau lana taleni,ua silia i le 8 masina o valavala,a’o lea ua tulauele’ele i Sini ma le fa’amoemoe maualuga,ia lava taimi o se mafutaga ma le atali’i,aemaise le molimauina o le māsausau o le fa’atinoga a le atali’i,fa’atoā 22 tausaga. Fa’ailoaina mai e le Pulega a Parramatta Eels,le tu’uina atu o le avanoa iā Papali’i,e tatala ai lana taleni ta’alo i lona lava faitalia,ma fa’aaogaina agava’a lilo sa tanumia a’o avea ma sui o le NZ Warriors,o le mafua’aga autū lea na osia ai le Feagaiga Ta’alo,mo le isi 2 tausaga.Saunoa le Tinā o Lorina,fa’afetaia le NZ Warriors,mo le avanoa muamua na talaia ai faitoto’a mo le taleni Lakapi Liki a si ana tama,ae mae’a lelei le tausaga ua tuana’i atu,nā o le saofa’i lava o Isaiah e fa’amafanafana le nofoaga o le aufa’aleoleo(Bench Player)Lea ua tu’uina mai e le Eels,le isi si’osi’omaga ma ni fa’alogona fou,talafeagai tonu mo Isaiah,i le mae’a ai o le lē mautonu a’o vevesi le Fa’ama’i COVID-19,tausaga ua te’a atu,2020.Fesiligia le atali’i ina ua feiloa’i atu i si ona Tinā,tali Isaiah le ese o le lagona o le fusi mai o si ona Tina,8 masina na valavala ai ma lona Aiga,sa le’i masani ai(So it’s been great to have them here)Manino mai le toe filifilia o Isaiah Papali’i e le NZ Kiwis,i ta’aloga fa’avāo Malo i se taimi o le tausaga nei.O Lorina ma si ona alo,o se matāti’a muamua lea o se Tinā ma se atali’i,na filifilia ma sui ta’aalo o le NZ Warriors,tausaga 2018.Talosia le toe fotua’i mai o lenei tamafanau Samoa,Isaiah Papali’i mo le Parramatta Eels,e fesoasoani i le isi fo’i alo o le atunu’u,le pou malosi a le NSW ORIGIN BLUES,Junior Paulo. Lakapi Iuni O le afiafi ananafi na mae’a ai le ta’aloga lona lua a le Manu Samoa,ma le Maori All Blacks(38-21)auā lona sauni atu mo lana ta’aloga faitaulia ma Tonga,i le Aso To’ona’i nei,mo sona avanoa e ulufale atu ai i le Ipu Lalolagi,i Farani 2023.Lea ta’aloga e fa’ataunu’uina i le Malae Mount Smart,Penrose,Aukilani,i le mae’a ai o le Ta’aloga a le All Blacks ma Fiti.Naunauta’iga o le Iuni Lakapi a Niu Sila,ia ta’aalo fa’aauau ma Samoa,Tonga ma Fiti i tausaga ta’itasi,e ui lava e telē le ese’esega ole laina sikoa,ae manatu le Tino Lakapi Lalolagi,o se fesoasoani tāua lea a Niu Sila ma Ausetalia mo le ati’ina’a’e o le Lakapi Iuni,i lenei vaega o le Lalolagi.O le Moana Pasefika,le Au a Samoa ma Tonga mo le Ta’amilosaga Super Rugby,2022,o Aukilani lona nofoaga tumau,o le Fiji Drua,ua ofoina e le Iuni Lakapi Ausetalia,e avea Sini,Niu Sa Uelese ma ona Malae e fa’amautu ai.E 100 le sikoa a le Olopeleki anapo ma Tonga. ISI TA”ALOGA LKAPI IUNI FA”AVAOMALO Po anapo na ta’aalo ai le au a: 1)Iapani ma Aialani 2)Wales ma Kanata 3)British & Irish Lions ma lana Malaga ta’amilo I Aferika i Saute mo le Isi 4 vaiaso 4)Taeao nei le ta’aloga fa’avaomalo a le USA Eagles Amerika ma Egelani 5)Wallabies ma Farani,Aso Lulu 7 th Iulai 2021,Suncorp Stadium,Brisbane,8pm afiafi

9 views0 comments

Recent Posts

See All

Comments


bottom of page