top of page
Search
  • Writer's pictureMaulolo Fata U. Malifa

Tala i vaifanua o Sydney NSW - 09 ME 2021

Kids read and weep

Fa’amatalaina e le ali’i Tusitala o Cristopher Harris o le Daily

Telegraph vaiaso ua mavae,le ‘alo ese o le to’atele o fanau

Ausetalia ma le lagona faitau tusi.Tusa ma le tasi vae tolu o

fanau i le atunu’u ua matuā leai lava se taimi,e faitauina se

tusi aoga,pe ā fa’atusa iā Indonesia ma Rusia.Ta’ua e le

Polokalame Fa’atulaina ma Iloiloga a le Lalolagi,e lua vae

tolu fanau Ausetalia,e lē talitonu ma tete’e atu i le faitau

tusi,pe talanoaina fo’i ni Faitauga Tusi.E 40 itulā aofa’i e

saofa’i ai le tamaiti’iti Ausetalia,i luma o le komipiuta po’o

le laptop,tausaga 2018,20 itulā ua si’itia ai i le 2012.Ua tele

aoga e fa’aaogaina nei masini fa’aonaponei,le isi lea

mafua’aga ua ino’ino ma fa’atuatuana’i ai fanau,e susu’e le

tusi faitau,pei ona tatou masani.Fa’aalia e Glen Fahey,tomai

fa’apitoa i A’oa’oga o Faitauga Tusi,mafua’aga tonu lea ua

tifatō maualalo ai le numera pasi o fanau,i Su’ega Iloga,auā

ua le lelei le numera,tusitusi ma le faitau tusi.Saunoa Glen,e

tāua le faitau tusi,nai lo le ma’umau o le taimi tele o fanau,e

va’ava’ai ai i le komipiuta ma le laptop,se’i vaganā ua i ai se

mafua’aga tatau,i le taimi o Faiga Mea-aoga.Fa’aalia le

maualuga e 41% pasene o fanau talavou ta’i 15 Tausaga le

matutua,e lē pasia Su’ega Fa’apitoa,ona ua le ausia le

maualuga mana’omia i le Faitau Tusi,e 7 masina e maualalo

ma telegese ai,nai lo fanau i isi atunu’u e pei o Esitone,e

maualalo lona Tamaoaiga pe ā fa’atusatusa iā Ausetalia.O le

faitau tusi ma le tusitusi,o le faitoto’a tonu lea e si’itia

maualuga ai fa’ai’uga o Su’ega a le fanau,aemaise le maua o

se galuega lelei mo le Lumana’i.


Let mum and dad share load

Ua fautuaina malosi e le Tino Faipisinisi a Ausetalia le Faiga

Malo Maualuga(Federal Govt)ia toe silasila toto’a i le tupe

maua a matua,o Aso Malōlō Totogi po’o’Paid Parental

Leave’mo Aiga ta’itasi,fa’apea fanau aemaise le toe vave

fo’i o le tina e faigaluega,i le mae’a ai o lona vaitaimi na

feagai ai ma le ma’itaga.Manatu maualuga le Tino

Fa’apisinisi Ausetalia,o sea faiga fou o le ā tu’ufa’atasia ai

tupe maua mai totogi o le tamā ma le tinā,ae si’itia ai ma le

tupe totogi mo Aso Malōlō ma’itaga o le tinā.Ua fuafuaina

pe tusa ma le $5 piliona le si’itia maualuga o le Tamaoaiga

tau tupe o Ausetalia,pe ā lea fautuaga.E 10%pasene ua

u’una’ina e le Tino Fa’apisinisi Ausetalia-Business Council

Australia,ae le’i fofoga aloa’ia le Tala o le Tupe a le Faiga

Malō Maualuga-Federal,I se taimi lata mai.Taimi nei e 85%

pasene le tupe fa’aopo’opo i le tu’ufa’atasi o totogi o le

tamā ma le tinā,a’o le finau a le Tino Fa’apisonisi

Ausetalia,mo le fa’aopo’opo o le isi 10%pasene,ma si’itia i le

95%pasene mo totogi tu’ufa’atasi e lua,e $80,000 tala i le

tausaga.Saunoa le Ofisa Sili o Jennifer Westacott,o le faiga

ma aiaiga o lo’o i ai nei,ua tele ina fa’ava’atu’ia le to’atele o

tinā,ua manana’o e toe vave taliu atu e galulue,i le mae’a ai

o latou Ma’itaga.


We must see how all schools are teaching sex consent

O le fa’amaupu’epu’e pea,vevesi ma le tele o le fetōtōa’i o

Ausetalia,ise faiga e saili fōfō ai,ona o le alia’e mai o amioga

ma uiga lē lelei,ua a’afia ai tama’itai ma alo teine.Ua a’e ai

se manatu a’i latou atamamai fa’apitoa,i uiga fa’aali ma aga

feso’ota’i,i faiga uo a fanau talavou.O le latou Manulautī,o

le a’oa’oina o le”Va Tapuia ma Feavata’i”aemaise lava i se

’IOEGA’maumautūtū,i le va o le tama ma le teine talavou,i

le o’oo’oga o se Faiga Uo,pe fa’apefea ona faia sea ituaiga

a’oa’oga i totonu o Aoga uma i Niu Sa Uelese.Tautala malosi

le Tama’ita’i Katrina Marson,poto ma atamai fa’apitoa i

A’oa’oga i Faiga Uo ma Pa’aga,Mafutaga Fa’ale Ulugali’i

po’o”Relationship and Sexuality Education”Ta’ua e

Katrina,o nei mataupu pei ona talanoaina,o lo’o fefiloi i

totonu o le Silapasi a Aoga uma a Setete,ae fesiligia le

atoaga o le a’oa’oina,auā o ni mataupu faigata ma

ma’ale’ale lona fa’amatalaina,ma taumafai ia iloa ma

nofouta lelei i ai fanau talavou,aemaise alo tama.Manatu

Katrina,ua alagātatau mautinoa ona amata se faiga Fa’asu’e

Tusi(AUDIT)e mata’itu lelei ai po’o o’oo’o,ma talafeagai le

a’oa’oina,i meafaigaluega ma metotia fa’aaoga,le gagana

tautala,aetainane le fa’a’au’upegaina i agava’a,faiaoga o le

ā fitoītonu ma lenei A’oa’oga lavelave,aemaise fanau

Aoga,tupuga mai atunu’u,aganu’u ma agaifanua e le

talanoaina ai nei fa’afitauli,i totonu o ō latou Aiga ma

matua.Relationship Sexuality Education.O mataupu taua,e

ao lava ona silafia ma fa’aali manatu i ai ta’ua matua,ma le

agaga fa’aaloalo i lenei taeao,ne’i mea ane ua’fa’apo’ia i

ofaga’auā tatou te lē mafuta pea ma nai fanau i taimi uma.


$1.5m for Telstar

Mo i latou uma o lo’o fa’aaogaina,ma tu’uina atu le latou

lagolagosua malosi,i le Kamupani Tau Feso’ota’iga Telefoni

ma Uaealesi,o le TELSTRA.Ua fa’alauiloaina i le vaiaso talu

ai,le taiaina o lenei kamupani Iloga,i se Fa’asalaga Mamafa e

$1.5 miliona tala,ona o le tāofia ma u’umau o numera

telefoni fe’avea’i,a le mamalu lautele,ua manana’o e tu’ua

ma ō ese mai,ma aga’i atu i isi Kamupani,o lo’o fai pisinisi

fa’atauvā ma le TELSTRA.Fa’aalia manino le fa’amutaina o

fesoasoani mana’omia a lenei Kamupani Telē,mo ana

Pa’aga muamua ua fulitua mai.O lenei fa’afitauli na alia’e

mai i le masina o Mati,2020,taugā ogaoga o le Fa’ama’i

COVID-19,ma fa’aauau seia aulia le masina Iulai tausaga ua

mavae.Fa’amanino e le ripoti a le Daily Telegraph,na umi se

taimi o fa’atalitali nai tagata,fa’atoā fa’amamulu mai le

IOEGA a le TELSTRA,mo le fa’aauauina ma fa’aaogaina o a

latou Numera,iā Oketopa 2020.Fa’amatalaina aloa’ia mai i

ni Fa’amaumauga Fa’atuatuaina a le”Australian

Communications and Media Authority,po’o le Tino o Pulega

Feso’ota’iga ma Fa’asalalauga Ausetalia,e silia i le 42,000 le

mamalu lautele na afaina i lenei fa’ai’uga le mana’otele a le

TELSTRA,i le Aso Lua 27 Aperila 2021.


Making best vaccine is just the shot

Fa’amatalaina e Foma’i Fa’apitoa o Vailaau,o nisi o Vailaau

Tui e pito i sili ona fa’aiti’itia ai le tutupu mai o isi tigā o le

tino,aemaise pe ā tui’ina se tagata ma’i,ua mafai ona gaosia

i Niu Sa Uelese,i lalo Fuafuaga fa’ata’atitia fou a le Setete,e

pei ona fa’alauiloaina,ma ripotia e James O’doherty o le

Daily Telagraph,i lana Lomiga Aso Lulu,5 Me 2021. Saunoa le

Tama’ita’i Premier Gladys Berejiklian i le Aso Lua ua mavae

atu,ua na fa’atonuina vave nei le Saienetisi Sinia(Chief

Scientist)e amataina ona fa’ata’atia se auivi e agava’a,ma

mafai ai ona fausia le Tui Vailaau-mRNA,e pei o le Vailaau

Tui,Pfizer COVID,lea ua tufaina i le Lalolagi fa’apea Ausetalia

ma Niu Sila.E tusa ma le 2 tausaga e fuafua,ma fa’atulaga

lelei ai masini fa’apitoa fa’aonaponei,e fausia ai ituaiga

vailaau,ma vai tui e gaosi’ina ai le’Tui Vailaau’po’o

le’Vaccine’Saunoa Berejiklian,e ao ona tu’utu’u i le loloto le

fa’autautaga a le Setete,ma va’ai mamao i le tapenaina o le

lumana’i,Soifua Maloloina o tagata aemaise le fa’ama’ite o

le atamai mana’omia,e Kamupani ma Pisinisi o lo’o gaosia

Vailaau ma Fualaau,ese’ese mo gasegase o le tino.Fa’aalia

fo’i,ua fa’afaigofie e le Faiga Malo a le Setete le tapenaga

amata,i ala o tulafono ma aiaiga mana’omia,ae fa’amoemoe

i le taupata mai o Kamupani,ma Pisinisi Gaosi Fualaau ma

Vailaau(Pharmaceuticals)e fa’atinoina le galuega atoa.Ua

fa’amanatu mai le uti’uti ma lē lava Vailaau Tui,na mafai

ona fa’amatu’u mai mo Ausetalia.Ta’utino le Ofisa Soifua

Maloloina Sinia,Kerry Chant,pau lea o le fōfō e tali atu ai i

lenei fa’afitauli,o le gaosia o le’Fualaau Tui’mo Niu Sa

Uelese i Ausetalia nei,aemaise le tulaga ua o’o ai Initia.


E SILI LAVA OE TINA

E mua’i fa’amanuia ma ofoalofa atu le Aso Fa’apitoa mo

Tina ma Tama’ita’i uma o Samoa,i lenei taeao fou i le Alofa

ma le Agalelei fa’aauau o Le Atua.Evagalia Luka 1 fuaiupu 46

faitauina”Ona fai ane lea o Maria,’Ua vivi’i lo’u loto i le

Ali’i,ua olioli fo’i lo’u agaga i le Atua lo’u Fa’aola,auā ua

silasila mai o ia i lana auauna fafine ua fa’amaualaloina;auā

e amata mai nei,ona fa’amanuia mai ia te a’u o tupulaga

uma;auā o Lē e ona le Mana,ua faia e ia mea silisili mo a’u,e

Paia fo’i lona Suafa”O le feagai ai o Tina ma Tama’ita’i

Samoa ma lana pitola’au,o le soifuaga o aso faiso’o,e le

fesiligia auā e aunoa loa ma le Tina i totonu o Aiga,Nu’u ma

Alaalafaga,le Atunu’u Pele Samoa aetainane lana Ekalesia,e

ono fa’ava’atu’ia le tatou Folauga.E le masino le anoanoa’i o

tiute ma faiva alofilima,e fesāga’i,ma feagai pea ma le Itūpā

o Tina ma Tama’ita’i,i totonu o Aiga ma Ekalesia,aetainane

le alausu atu i galuega mo le sāiliga o se Tamaoaiga tau

seleni,auā le ola totogi o le Soifuaga i lenei Atunu’u,tausia

ma le tapu’eina o le fanau i upu ma tala,a’o lana fautua lē

fa’atuāoia,e lototele ma fa’atonutonu folau ai le Tama o le

Aiga.Manatu Samoa i lenei taeao ma le agaga fa’aaloalo,o le

Fa’atofālā’iga a Tina ma Tama’ita’i Samoa,ua sosolo manuia,

sologalelei,logomalie,mautū ma maua’a ai la tatou Folauga

fa’aauau,i totonu o Aiga,Nu’u ma Alaalafaga,le Atunu’u Pele

Samoa,aetainane totonu o Ekalesia Ese’ese,o lo’o tautua

Lotu ai le Mamalu o Samoa,aemaise lo tatou Aitaumalele

ai.E lē vivi’i i Tina ona o lona sao tāua mo i tatou uma,ae ao

ona tatou Fa’afetaia ma momoli le Fa’amalō i Tina ma

Tama’ita’i uma o Samoa i lenei taeao,mo lo latou Aso


Fa’apitoa Fa’ailogaina.O Tina,o le Maeaālio lea o se Aiga

Manuia,ma se Ekalesia Fiafia,auā o Tina ma Tama’ita’i

Samoa”E AU LANA INAILAU”Fa’amanuia tele Le Atua i lou

Aso Fa’apitoa Tina i lenei taeao fou o le SAPATI a Le Atua

Mo’omo’oga Alofa mai le Fa’aulu’uluga o le Fofoga Mo’omia

a Samoa,Susuga Fa’afeagaiga,Pasefika Maiava ma le

Faletua,fa’apea le Auva’a i Ali’i Fa’asalalau.


COVID Restrictions in action

A’o galulue le Soifua Maloloina Niu Sa Uelese,e tau saili le

mafua’aga o le toe manua’e o le Fa’ama’i COVID-19,ua toe

fa’amalumalu mai nisi aiaiga fou mo lou saogalemū,talu le

toe pisia fo’i o nisi Pitonu’u o le Setete,ona o le feavea’i e

nisi ua leai se fa’aete’ete,ma le manatu fa’apito.O vaega nei

o Niu Sa Uelese,ua lapata’ia:Taulaga Atoa o Sini,Greater

Sydney Area,a’afia ai ma le Central Coast,Wollongong ma

Blue Mountains.O vaega uma nei e ao ona utagia mai,auā

lau fa’afofoga tapua’i Samoa i lenei taeao(1)Fa’aaoga lau

pupuni fofoga(mask) femalaga’iga Mamalu lautele,aemaise

pasi ma nofoa afi,faleoloa fa’atau,fale otiulu,fale

tifaga,falema’i,malumalu tapua’i,ma nofoaga e tausia

tagata matutua(aged care facilities)(2)Nofoaga e pei o

faletalimalō,fa’aaogā lau mask(3)20 tagata asiasi mo

fa’atasiga fa’ale Aiga,a’afia ai ma fanau iti(4)Taofia le

pepese i nofoaga i Fale Mafuta(Venues)mo ni Fa’aaliga

Ese’ese,fa’asāina le Pepese i totonu o Maota Tapua’i(no

singing at places of worship. (5)Fa’asāina le sisiva i totonu o

Faletalimalō ma fale kalapu. Ua le afaina le sisiva i


fa’aipo’ipoga,ae matuā fa’atapula’a i le 20 tagata e sisiva i le

taimi e tasi(6)Ua le fa’atagaina lou tū ma ta’umafa sau

meainu,i faletalimalō po’o kalapu,tatau ona e alaala i

lalo(7)mo i latou e asiasi i nofoaga e tausia ai Tagata

Matutua,ua nā o le to’alua e fa’atagaina.O nei Lapata’iga

tāua fa’atoā fa’amuta ma fa’alēaogāina i le itulā e 1 e te’a ai

le 12,i le Aso Gafua 10 ME 2021.E manatu Talafou ma Tala i

Vaifanua,ua matuā se’e ese le fa’autautaga alualu mamao,a

le Tama’ita’i Ta’ita’i o le Setete Niu Sa Uelese,i le taofia o

nisi o vaega tāua,o Sauniga Paia i totonu o Malumalu,e pei o

le Peseina o Vi’iga o Le Atua,ma le Fa’atinoina o taga Fa’a

Evagalia,o le ogatotonugālemū o lo tatou Mafuta atu i lo

tatou Ali’i,e ala iā tatou Tapua’iga masani.Ua ia

fa’amuamua le sisiva i Fa’aipo’ipoga,ua matuā galo iā

Berejiklian le Alofa Fa’amaoni fa’aauau o Le Atua,lea ua

masuigāmalie atu ai le a’afia o Ausetalia i le Fa’ama’i

COVID-19.


Samoa a NO-GOER

Ua matuā te’ena lava e le USO iloga i le Lakapi Liki

Ausetalia,Matthew Johns ma Andrew Johns,se fesoasoani

mo le faiaoga o le Toa Samoa.Lua vaiaso ua mavae atu,na

laumanu’ia ai i Tusitusiga i Nusipepa,Ripoti i Televise-TV,ma

Talafou i Leitio i Ausetalia atoa,se manatu fa’aali o le alo

Samoa,Sonny Bill Willams,ua auaufa’atasi ma Matthew ma

Andrew,e faiaogaina le Au Lakapi Liki a le tatou atunu’u,Toa

Samoa,pe ā matala mai se avanoa.To’atele i latou ta’utāua i

le NRL,ma le Lakapi Liki i Ausetalia ma Niu Sila,fa’apea le

Lalolagi,fa’aalia le fiafiaga tele atonu ose avanoa lelei e

si’itia ai le tulaga maualalo o lo’o tūtūmau ai le Au Lakapi

Liki a le atunu’u,latalata i le 10 tausaga talu ai.Ripotia ai i le

Aso Faraile ua tuana’i atu,e le Daily Telegraph,ua toe

fa’ateletelegese lenei Fa’amanuiaga mo le tatou Au Toa

Samoa,le ofoina o le taleni ma agava’a a nei USO

Ausetalia,e fesoasoani ai iā Samoa,fa’atasi ma SBW e aunoa

ma se totogi.O le mana’o o Matt Parish,le faiaoga o lo’o i ai

nei,ia fesoasoani atu ae tumau pea lona tulaga

fa’afaiaoga.Fa’aalia le lagolago a le Komiti Fa’afoe a le

Lakapi Liki Samoa,mo le faiaoga tuai.Saunoa Matthew ma

Andrew,ua leva ona alagātatau le faia’ina fa’afia o

Ausetalia,ma Niu Sila i le Toa Samoa,ae faigatā tele,ona o le

fetōtōa’i o Tamafanau ta’aalo Samoa,i le fa’atauta’iga ma le

faiaogaina o le Au a le Atunu’u. Ta’utino nei USO,e maoa’e

taleni Samoa,e filifili ai le Toa Samoa,ia ausia le tulaga

maualuga,ua ausia nei e le Matema’a Toga.Ua loa ona


mana’omia se Auva’a Fou mo le fa’aaogaina lelei o

meaalofa a Le Atua,e tauala i alo fanau talenia a Samoa i

Ausetalia nei.O le lagona ma le uiga fa’apolokiki lea,ua

sosolo ane i Ta’aloga,o lo’o fa’ava’atu’ia ai pea le Lakapi

Iuni, Lakapi Liki,ma le Au Netipolo a le atunu’u.Mafua’aga

lea ua lē ausia ai e Au Ta’aalo a si o tatou,le tulaga

maualuga,ma le ogasami loloto lea,sa tauvā ai i le vaitau o

le 1970,80,90 ma le amataga o le Seneturi 21.


Whether barbain buys or costing a fortune

Isaiah Papali’i-Parramatta Eels

E to’alua alo talenia Samoa ua fa’amatalaina e le Tusitala

Ta’aloga a le Daily Telegraph,Nick Hampton,le matuā

talafeagai lelei o Feagaiga Ta’alo,ua lā sainia ma lā

fa’atinoga i taimi uma e ta’aalo ai.Ina ua sainia e le

Parramatta Eels,le alo 22 tausaga Samoa,Isaiah Papali’i i le

tausaga ua mavae,sa fa’aluafesasi le Kalapu,pe toe vave

maua se taui,o le tupe telē ua fa’aaluina mo Papali’i,mo le

isi 2 tausaga,ona sa paū maualalo lana ta’alo i lona tausaga

mulimuli i le NZ Warriors.Ae ua ta’utino le Ali’i Faiaoga o

Brad Arthur,le tāua mana’omia o Papali’i,e le gata i le

fa’asa’oina o le osofa’iga i le ogatotonu o le malae,ae silisili

atu ona taufa’amata’u lana osofa’i,i le taufa’asi’usi’iga o le

laina i tua.Ua 130 mita le mamao o lana tamo’e ma le

polo,talu mai le amataga oleTa’amilosaga.Saunoa Brad,o

Isaiah Papali’i,o se tama ta’alo malosi,atamai ma le maoa’e

o ona uiga ta’alo taufa’afefe,aetainane le matagofie ma le

sasa’o,o vaega o le malae e osofa’i ane ai.O se tama ta’alo,e

naunauta’i e a’afia i le ta’aloga i taimi uma.Ta’utino le

Faiaoga,telē le fa’amanuiaga o Parramatta Eels,i le sainia o

lenei alo ta’alo malosi Samoa,e tuputupu pea ma si’isi’i le

atamai matagofie o lana ta’alo,a’o fa’agasolo fetau’iga o Au

Malolosi o le Ta’amilosaga.O le faitāuga autū(key stats) o

taimi e momo’e ai Isaiah,130 mita i le ta’aloga,toetoe lava

fa’aluaina nai tausaga ua mavae,72 mita i le 2018.Na o le 22


tausaga,o Isaiah Papali’i,a’o lea ua fa’asimā lona nofoaga i

le NRL.Talosia le fotua’i mai o lenei alo talavou Samoa.

Tino Fa’asuamale’aui

Fa’amatalaina le ofo’ofogia ma le masausau faia’e,o le

taleni a le talavou Samoa,Tino Fa’asuamale’aui,talu ona

savali ese mai le Melbourne Storms.Sa fa’aufiufi ma lē

amana’ia tele lana amataga mo le Gold Coast Titans,talu le

ulufale atu o le ali’i Toga,o Fifita.Lea ua fa’aalia mai,o le

Feagaiga Ta’alo sili lea ona fa’amalieina ai lana Kalapu,ona o

le filifilga a le Titans mo lenei tausaga,foliga mai o le

Numera 1 lea o Konekarate Ta’alo mo le 2021.Tāua mai,ua

pei se fugalaau matala le atamai,agava’a atoa,sogasogā ma

lē fefe,o Tino Fa’asuamale’aui e fa’aaogā ai metotia

nanā(hidden skills) ese’ese,ma taleni foa’i fua a Le Atua,e

si’isi’i ai le tulaga o le Gold Coast Titans,i le NRL 2021.Ua

taunu’u uma fa’amoemoega,ma talotaloga a le Titans,na

moemiti i ai mo lenei alo Samoa,na te aumaia i le Kalapu.

Fa’aalia fo’i le va’ai maualuga o isi tama ta’aalo,mā lō latou

fa’atuatuaga mautū,i lenei alo o le atunu’u,ona o lona

fa’amaoni i vaega iti,i koleniga,tapenaga mo taimi o

ta’aloga.Tā’ua e le Faiaoga,ua avea le o’o atu o

Fa’asuamale’aui i Gold Coast,ua toe fa’aopo’opoina ai le

malosi fou,o le tama ta’alo tuai,o Kevin Proctor,ma isi sa i ai

le lagona paiē,ma le fa’ata’eta’eāluga i fa’atinoga.Numera

fa’amauamau(key stats)E 148 mita ua tamo’e ai Tino

Fa’asuamale’aui i le taimi o ta’aloga,talu le ta’aloga

muamua o le Ta’amilosaga,2021.O le tama ta’alo maualuga

lona 2 lea,i le laina i luma(2 nd forward player)a le


NRL,2021.O Tino Fa’asuamale’aui,o le alo o le Susuga iā

Feleti Fa’asuamale’aui,sui muamua o le Manu Samoa,


Ta’ito’a 7 a le Manu Samoa,fa’apea le Kalapu Malosi a le

Ala’alafaga o Moata’a.

5 views0 comments

Recent Posts

See All
bottom of page