top of page
Search
  • Writer's pictureMaulolo Fata Ueligitone Malifa

Talafou i vaifanua o Sydney NSW (07 March 2021)

Rapid COVID-19 tests could miss many infected people

I fa’amaumauga o fuainumera na aoina,ma tu’ufa’atasia e le Doherty Institute for Infection and Immunity,po’o le Fa’alapotopotoga e sailia Fa’ama’i Pipisi,e feavea’ia e le tagata soifua,e ala i le faia o Tui Puipui,ma Su’esu’ega Fa’a Foma’i,ua fa’ailoa ai le taua,aemaise le tele o fesili e ao ona fa’amalamalama,i le to’atele o tagata nonofo i Ausetalia,ua le o’o i ai le fa’atinoga o lenei Tui,po’o le Vailaau e saili ai,po’o a’afia oe i le tele na’uā o Fa’ama’i Pipisi,e pei o le COVID-19.I le aofa’iga e 2413 o tagata e le o maua i le Fa’ama’i,na faia i ai le sailiga(rapid antigen test)na fa’amaonia ai,e to’afitu ua a’afia(positive)ae le’i mauaina i le taimi muamua.Fa’atonuina i latou ua maitauina fa’ailoilo o le COVID-19,e ui ua tali mai sailiga e le o a’afia(negative test),ua alagātatau pea ona nofoesea,mo le saogalemū soifua manuia o isi tagata.Fa’aalia e le Tama’ita’i Porofesa Fa’apitoa i sailiga o Fa’ama’i Pipisi,Deborah Williamson,e foliga mai e matuā maualuga le numera o Tagata Ausetalia,o lo’o sese le faitauina i Sailiga(rapid antigen test)e le o mauaina i le Fa’ama’i COVID-19(negative test)ae mulimuli ane ma mautinoa,ua leva ona a’afia ae faigata ona fa’ailoa i Sailiga ma Su’esu’ega a Foma’i.Sosolo malosi ane le lagona o Foma’i Fa’a Saienisi i Su’esu’ega o Fa’ama’i Pipisi,le talafeagai o le fa’ato’aga ona saili ma test tagata uma,i le aulia atu o le fa’ai’uga o le 2021.Fa’atino i Falefaigaluega,A’oa’oga ma so’o se Nofoaga e maua uma ai le Mamalu Lautele.Ta’ua fo’i ua miliona ma miliona tupe a le Faiga Malo Maualuga ua fa’aalu,talu mai pōpōfou o le COVID-19,ae sa le sa’o ma mautinoa le fa’atinoga.Fa’aalia e le Matagaluega Soifua Maloloina a le Setete o Vitoria,e ao ona fa’amautūina lelei ma PASIA Fa’ale Tulafono,le Tui(VACCINE)ae le’i fa’aaogaina mo le Mamalu Lautele i Ausetalia.


Aged left waiting for vaccines amid confusion over rollout

Ua fa’alauiloa aloaia e le Faiga Malo a le Setete a Niu Sa Uelese,i le vaiaso ua tuana’i atu,le taligā pea o nai tama ma tina Matutua, aemaise Nofoaga o le Au Matutua,i le taimi tonu e o’o mai ai le Tui mo se Fofo o le Fa’ama’i,COVID -19,po’o le Vaccine,ona o le uti’uti ma le lē ato’atoa o Fa’amatalaga tu’uina mai le Faiga Malō Maualuga po’o le- Federal Government.Fa’aalia e le Tama’ita’i Ta’ita’i,le Primier o le Setete,Gladys Berejiklian,ua loa ona tapena ma sauni le Aufaigaluega a le Setete,e tufaina vave le Tui(VACCINE)mo le Mamalu Lautele,ua fa’ava’atu’ia ona o le tuai feso’ota’i mai o le Faiga Malō Maualuga(Federal Government)e ala i Ioega Tusitusi Masani i le va o Faiga Malō e lua.Fa’alauiloaina o le Aso 10 Mati,e amata ai le Vaega Lona Lua(1b)mo Tagata Galulue i le Soifua Maloloina(Health Care Workers)ma o latou Aiga,soso’o ai ma i latou e galulue i Nofoaga o lo’o Tu’uesea ai Tagata ua maua i le COVID-19(Quarantee Workers)aetainane Aufaigaluega i luga o Va’alele(Aircrew)Ave Va’alele ma i latou e vaa’ia ma tausia Pasese a Va’alele.O lo’o fia maua atili fo’i se silafia maumautūtū mai le Faiga Malō Maualuga,po’o ai tonu Nofoaga Tagata Matutua ua tofusia e le Tui(Vaccine)ia aua ne’i nofoa’i,ae fa’agasolo le tau’aaoina mo nai tama ma tina Matutua,ua loa ona tu’uese’eseina ma Aiga ma Fanau.Fa’aalia e le Tama’ita’i Ta’ita’i o Berejiklian,e le’i toe ripotia mai se tagata ua maua i le COVID-19,i le atoaga o le 45 aso soso’o i le vaiaso ua mavae atu.


Principals vow toact on pupils sex plight

Ua matuā ta’utino tutu fa’atasi uma Pule Aoga,o A’oa’oga Tumāoti po’o Private Schools i Sini,o lo’o a’ooga ai fanau o lo’o fiafia e faia Uiga Matagā,e fa’atūtūtonu ma aga’i atu i alo ma fanau tama’ita’i i totonu o Aoga,ina ia tāofia ma tafiesea uiga fa’apaupau o lo’o faia ma fa’atinoina pea e fanau tama.E tatau ona matuā i ai se suiga tele,i nei amioga,uiga aga matagā fa’alilolilo o lo’o osofa’ia ai pea nai alo teine i totonu o Aoga,aemaise lava i taimi o Fa’atasiga Fa’afiafia i le fa’ai’uga o le Tausaga(End of Year Ball)Ua fa’aalia le amataga o Fa’atalanoaga a Pule Aoga ma Faiaoga,ma i latou e i ai le Tomai ma le Atamai Loloto,e a’otauina ai Faigauō a teine ma tama talavou,feso’ota’iga ma feusua’iga a fanau,oni Talanoaga e le lagonaina i ni feutaga’iga a Matua ma Fanau i totonu o Aiga.O Aoga i Pitonu’u i Itū I Sasa’e(Eastern Suburbs Schools)e pei o Redlands, Cranbrook,Scotts College,Waverley College ma St Catherines,ua i ai le fa’amoemoe e amataina nei Fa’asoa ma Soaulupega Loloto,i le masina o lumana’i.Fa’amatalaina e le Pule Aoga o le Kolisi o Waverley,uafa’agasolo talanoaga ma le Aufai Tulafono(Legal)ma Foma’i o le Mafaufau ma Aga Feso’ota’i(Psychologists)mo se fesoasoani mo le tete’e atu i Uiga Matagā le Taupulea o lo’o a’afia tele ai alo Teine ma Tama’ita’i,i totonu o Aoga,ina ia masuigāmālie ai olaga tuputupua’e o fanau talavou,i le fa’atāua o le Ava Fatafata ma le Fa’aaloalo,e pei ona masani ai le Tuagane i le Tuafafine. Ta’utino le Ali’i Pule,e ao i Fanau tama ona manatua le tautala ma le fa’aaloalo,auā o upu so’ona lafo e sau mai le gutu,e fananau mai ai Uiga ma Amioga Masoā.Fa’aalia e le Aoga a Teine ma Tama o Redlands,le mana’omia o le galulue va’ava’alua ma Matua,o se itū talafeagai lelei,auā e tāua le pitola’au a Matua.


Education key to breaking the poverty cycle

O A’oa’oga o le Faitoto’a,Ki ma le Tatala,e talepe ai le olaga falōlō,fa’apumo’omo’o,mativa ma le lē Tagolima.O fanau e soifua mai i totonu o Aiga,ma Si’osi’omaga e maualalo le Tamaoaiga maua,ma uti’uti le Fa’asoa ma le Tupe maua,e masani lava ona lē manuia ma saisaitia,i fa’aletonu a latou A’oa’oga i le taimi nei,e sili atu ona fa’ava’atu’ia atili o latou olaga pe a matutua ma fai Aiga.Fa’amatalaina e le Tama’ita’i Foma’i i Su’esu’ega Fa’a Saienisi i A’oa’oga(Education Expert)Dr Sue Thompson,na ia Fa’atupeina se A’oa’oga a se Tamaitiiti,amata mai i le Vasega 4(Year 4)sa le’i moemiti o ia e matuā telē se a’afiaga,ma se suiga i le olaga amata tuputupua’e o lenei tamaitiiti.Fa’aalia ma le fiafia e Sue,le i’uga sologalelei,ina ua ia sao mai faigata masani o A’oa’oga Amata, Tulaga Lua,Kolisi ma Aoga Maualuga,ausia le Iunivesitē e aunoa ma ni fa’afitauli,aetainane faigatā ma fa’aletonu masani,e tele na a’afia ai fanau e tupuga mai Aiga,e maualalo ma uti’uti le Tamaoaiga ma Tupe maua.Ta’utino Sue Thompson lona fiafiaga i le Fa’au’uina o le Fa’ailoga Tikerī,mai le Iunivesite o lenei tamaitiiti na Agalelei i ai lenei Tama’ta’i.Fa’amautuina mai e le”The Smith Family”le Tino o lo’o fa’atautaia lenei galuega Fesoasoani,ua amata nei le Aoga a le isi fo’i fanau iti e 5 tausaga,ma fa’aauau pea le fa’atupeina e lenei Samaria Agalelei,o Dr Sue Thompson.Saunoa fo’i Sue,i fetusia’iga ma nei fanau,o le taimi muamua lea ua se’e ai ni se’evae Aoga,fa’apea le ofuina o le Toniga a le Aoga,aemaise mo le ulua’i taimi ua mafai ai ona auai atu i Malaga Tafafao a le Aoga.O nai fanau lava e le maua nei Fa’amanuiaga a’o ola tuputupua’e,e le faigofie fo’i ona ato’atoa le maitauina o le a’oa’oga a le Faiaoga,mai le 8:30 seia aulia le itulā e 2 po’o le 3 i le afiafi.Ia mautū le lunch,toniga,se’evae ma atoa lelei tusi faitau ma api aoga mo le Fanau.Ae o se ta’utinoga a i latou atamamai i le mata’itūina o uiga fa’aalia o nei fanau i tami o A’oa’oga,o alo ma fanau e soifua mai i Aiga e uti’uti le Tamaoaiga tau tupe maua,e maoa’e le popoto, atamai,lelei mafaufau toe talenia,ae le o lava le taimi o Matua e fai ai ni Talanoaga fa’aauaau,e fa’afailele ma tapu’e ai o latou agava’a ma leleiga,e fa’aosofia ai lagona tauivi ma le sailimalō,e taula’i ai le mafaufau mo se lumana’i manuia ma talafeagai lelei.


Plastics plan to ban polystyrene packaging

O le vaiaso ua mavae atu,na fofoga aloa’ia ai e le Faiga Malo Maualuga-Federal Government,i lalo o ana Aiaiga Fa’a Pisinisi,le matuā fa’amamalu le fa’asāina,o le toe fa’aaogaina o so’o se”Pepa Uga,Pepa Iila”po’o”Plastics”o lo’o afīfī ai oloa Fou ese’ese po’o Whitegoods,e pei o Pusa Aisa,Ogaumu,Masini Ta Lavalava,Masini Fa’amago Lavalava,Masini Ea Malūlū,Masini Fuluipu ma Pusa Aisa Ta’atia,i le ogatotonu o le Tausaga Fou,2022.Fa’amamafaina fo’i le taofia ma fa’asā,le toe vaa’ia o Iputī ma Ipu Mafolafola,e gaosia mai le’UGA’o le”POLYSTYRENE”Plastics,amata lea tapu ia Tesema 2022,e pei ona saunoa i ai le Tama’ita’i Minisita o le Si’osi’omaga,o Sussan Ley,fa’apea le Minisitā Lagolago o le Fa’aiti’itia o Lapisi ma Otaota,Trevor Evans.O le a faia le fa’alauiloaina aloa’ia i Brisbane Kuiniselani,i se taimi lata mai,pei ona Ripotia e Tony Moore,Sydney Morning Herald,Aso 4 o Mati 2021.O lo’o i ai le fa’amoemoe,ia u’unāina Pulega Fa’a Itūmalō o Setete uma o Ausetalia,ia laugatasia le aoina o le Lapisi i le Atunu’u atoa.Fa’aalia e le Minisitā o Ley,o le taimi muamua lenei ua mafai ai ona tu’ufa’atasi,se Aiaiga Tāua e osofa’i ai se Talanoaga,mo le Fa’asāina ma Taofia le toe fa’aaogaina o Iputī,Ipu Mafolafola,Tui ma Naifi e gaosia mai le’UGA”po’o le Plastic,a Pulega Fa’a Itūmalō po’o Councils a le Atunu’u atoa.Ua mautū fo’i le Tino Komiti latou te iā i le taofia,o le’UGA’o lo’o gaosia ai le’cigarette butts’po’o le’vaega enaena’o lo’o pipi’i i laugutu pe a taumafa lau tapa’a,o le Lapisi pito silisili lea ona otaotā ai le Si’osi’omaga i le taimi nei.Fa’amatalaina e le Minisitā,le tele o talanoaga,fa’asoa ma fa’ai’uga ese’ese ma atina’e,o Saili’iliga ma Su’esu’ega,Tupe Fa’aalu,Aiaiga ma Tulafono e titina ai le toe fa’aaogaina o oloa e gaosia mai le”UGA”po’o le”POLYSTYRENE PLASTIC”


NRL set its sights on conquering the PACIFIC

I le masuigāmalie atu o le ma’ema’eā ma le tele o Tagata ua fa’amuta soifua ona o le Fa’ama’i COVID-19,ua fofola nei le manulautī ma le fa’amoemoe mautū o le Tino Lakapi Liki Ausetalia,NRL i lana Fonotaga i le vaiaso ua mavae,ia fa’aolaola ma atiina’e fa’aauau le Ta’aloga Lakapi Liki i vaipanoa uma,o Atunu’u ma Motu o le Vasa Pasefika.O lenei Talanoaga sa taulamua ai le Ta’ita’ifono muamua o le Komisi ARL,o Peter Beattie ina ia o’oo’o le fa’alauteleina o le ta’aloga Lakapi Liki i Tulimanu e 4 o le Vasa Pasefika,lea ua fa’amaonia lea fa’atinoga tāua ma le alagatatau,ina ua tula’i mai le Ta’ita’ifono mata’alia ma le toa,i le taimi nei,o Peter V’Landys,e pei ona fa’amatalaina i Tusitusiga a le Nusipepa”THE AGE”Melepone,Vitoria i le 2 vaiaso talu ai.Ua mae’a ona logo aloa’ia e V’Landys le 16 Kalapu a le NRL,i le Aso Faraile ua mavae atu,e uiga i Feutaga’iga ma Soālaupulega ma Fa’aulu’uluga o le Faiga Malō Maualuga-Federal Government,i lona Fa’atupeina ma le Tu’uina atu o Polokalame ma le A’oa’oina Lelei,o le Ta’aloga Lakapi Liki mo Aoga uma i le Pasefika.Saunoa le Ta’ita’ifono,o se tasi lea o faiga Fa’a Pa’aga lelei,e si’isi’i maualuga ma felata’i ai le Osiosiga o Faiga Malō,a Ausetalia ma Atunu’u Laiti tauatia’e,o le Pasefika, aemaise le sosolo mai o lagona fe’ese’esea’i o Malo Tetele o le Lalolagi,i lenei vaitau o le Soifuaga.Ua mae’a ona fa’amautūina Faiga Fa’avae o le amataina o le Ta’amilosaga Fa’a Itūmalō,i Papua Niu Kini,ta’utino Peter V”landys,o le alāfua tonu fo’i lea e fa’atino ai le Manulautī mo Samoa,Toga,Fiti ma le Atu Kuki-Cook Islands. Fa’aalia e tusa ma le 45% pasene le faitauaofa’i o ali’i ma tama’ita’i Pasefika,pe i ai le toto Pasefika,o lo’o ta’aalo i Vaega uma o le Lakapi Liki i le taimi nei,a’o lo’o maitauina le fa’atupula’ia pea i tausaga ta’itasi.Fa’amauina le malosi o le Au a Toga i le taimi nei,maualuga le lagona o Peter V’Landys,Samoa ,Fiti,Atu Kuki ma Papua Niu Kini,o lo’o laina tutusa pe a lelei le filifiliga o ana Au Fa’avāomaō,TEST TEAMS.Fa’alua lea o le Lakapi Liki i Samoa.


Angry MP calls on League to ban Haas

Ua sauni le NRL Lakapi Liki,e taofia le toe ta’alo le tumau,ma tu’uina atu se Fa’asalaga Tupe,mo se tasi o Fetu Pupula o le NSW Origin,le alo talenia Samoa,o Paynes Haas.Ua autasi le Tino e Vaa’ia Amio ma Uiga Fa’aalia(NRL INTEGRITY UNIT)o tama ta’aalo,i luga o le malae ta’alo,fa’apea le mae’a o le ta’aloga,e fa’amalōlō mo ni ta’aloga amata o le Ta’amilosaga 2021,ma le fa’asala tupe e $20,000 tala,ina ua mae’a lana Ta’utinoga i luma o le Fa’amasino,i le Aso Tofi 2 vaiaso talu ai i lona sese,i le fa’amata’uina o se Tama’ita’i Ofisa Leoleo.E 2 tausaga e nofo Va’avaa’ia ai mo le Amio Lelei,ina ua tete’e Haas i le fa’atonuga a Leoleo,a’o a’afia i le ava malosi,i Tweed Heads i le Aso 16 Ianuari 2021.Na fa’amata’u le Tama’ita’i Ofisa Leoleo,i lona tete’e ma fa’apea atu”Aua ete manatu o oe o le tama’ita’i e le pa’i atu lo’u lima iā oe”Cause you’re a woman you think I won’t touch ya.Ua o’o lava i le Minisitā o Leoleo,Elliott,ua saunoa ua alagatatu le taofia le fa’atagaina ona toe ta’alo Payne i le Lakapi Liki,pe ā le iloa e le Pulega Lakapi Liki se vaifōfō e taofia ma fa’aiti’itia ai,nei uiga ma’ema’eā ma le lē fa’aaloalo o lenei alo talenia o le atunu’u.Saunoa le Ali’i Ofisa Sinia o le NRL o Andrew Abdo,ua le o toe lilo uiga fa’atamaiti’iti o Payne ma ana fa’afitauli.Ua tapena se fa’asalaga talafeagai lelei,e a’oa’oina ma fa’aiti’itia ai ia uiga le fa’aaloalo,ma upu so’ona lafo.Ta’utino le Tama’ita’i Ofisa Leoleo,ina ua afea le ese’ese o Aganu’u ma Agaifanua,aemaise le Fa’ailoga Lanu,tali Lumby,e le o Ofisa Leoleo uma e maua ai ia lagona,ae le tatau ona lafo upu masoā,ma tete’e atu i fa’atonuga a Leoleo,i taimi o misa ona ua pulea e le ava malosi le tagata.Fa’aalia ma le mautinoa e le Komesina o Leoleo Niu Sa Uelese,Mick Fuller,e le nini fa’atasia le tete’e i Leoleo ma le Fa’ailoga Lanu.Talosia pea le taumafai lenei Tamafanau a si o tatou atunu’u ma ona Fa’amoemoega.


Test players urge World Rugby to improve concussion safety

Ua toe fa’amanatu e le Tino Tu’ufa’atasi o Tama ta’aalo Lakapi Iuni i le Lalolagi,tauala i se Tusi ua fa’amatala ai le māvaevae ma le motusia o Feutaga’iga ma Soalaupulega,o le Lavea ma le a’afia o le Ulu ma le Fai’ai,i manu’aga o le Lakapi Iuni.O le Tino ua ta’ua o le “Progressive Rugby”po’o le Lakapi Fa’aauau,silia ile 150 ona sui auai,aemaise lava i atunu’u Europa,Egelani Sikotilani,Aialani,UeleseKanata,Farani ma Italia.Fa’aalia le mamafa o le lagolago a tama sa ta’aalo muamua,fa’apea Loia,Foma’i,Kamupani Tetele e lagolagoina le Lakapi ma Kalapu,ia fai se fa’ai’uga maumautūtū a le Iuni Lakapi Fa’atinā a le Lalolagi,e puipuia ai le a’afia o tama ma teine ta’aalo i le taimi nei,aetainane tupulaga faia’e e fiafia i le Ta’aloga Lakapi Iuni.Ta’ua i lenei Tusi na tu’uina atu i le Ta’ita’ifono o Bill Beaumont ia Tesema 2020,e’$1b’piliona tala Amerika ua fa’amatu’u atu e le Lakapi Amerika-NFL Gridiron,e fa’atino ai Togafitiga mo Tama ta’aalo ua i ai manu’aga o le Ulu ma le Fai’ai ona ole Lakapi.


1 view0 comments

Recent Posts

See All

Comments


bottom of page