top of page
Search
  • Writer's pictureMaulolo Fata Ueligitone Malifa

Talafou vaifanua Sydney NSW 14 March 2021

Teachers need 15% pay rise,inquiry finds

Ua matuā mana’omia le si’itia o totogi o ali’i ma

tama’ita’i faiaoga i le Setete o Niu Sa Uelese.Ua leva

ona taligā se fuafuaga mo se Si’itaga o totogi o faiaoga,i

le 15% pasene i le isi 6 tausaga o lumana’i,fa’atasi ai ma

o le se isi 2 itulā fa’aopo’opo ile vaiaso,e tapena ai

galuega fa’afaia’oga i totonu o vasega,aemaise le

galulue latalata ma fanau aoga,mo le fa’aleleia o

feso’ota’iga,mo le sologalelei o mea-aoga a le fanau,a’o

i ai i le potua’oga,e pei ona fa’ailoaina e se Saili’iliga mo

A’oa’oga Lautele a le Malo,i le Setete Niu Sa Uelese.E

pei ona fa’amatalaina e le Tusitala Fa’apitoa o A’oa’oga

a le”The Sydney Morning Herald”le ali’i o Jordan

Baker,ua alagātatau fo’i i le Matagaluega A’oa’oga Niu

Sa Uelese,ona fa’ama’ite nisi taleni fou mo faiaoga(new

career pathways for teachers)e aofia ai ma le matāfaioi

fa’ale faufautua(advisors)i mataupu i le a’otauina o

fanau e le ato’atoa le malosi o le tino(disability)fa’atasi

ai ma ni ma agava’a fou mo ni faiaoga,ua le na o

mataupu masani o le aoga,a’o le silafia loloto lautele,i

lana va’ai i le olaga lumana’i,aemaise uiga fa’aalia o

aso,mo le vaiaso atoa,fa’ailoaina i le Ripoti.O lenei

Saili’iliga na fa’atautaia e le Fa’alapotopotga Faiaoga

Niu Sa Uelese,auā le fa’atāuina o molimau ese’ese i le

suiga tele o le galuega fa’ale faiaoga talu mai le tausaga

e 2004.Saunoa le Peresetene o le Fa’alapotopotoga


Faiaoga Niu Sa Uelese,Angelo Gavrielatos,fa’afetai i

lenei Saili’iliga ma le Ripoti mae’ae’a,ua matuā fafagu

ai i luga ma ma’ema’eā,o nisi fanau lētaupulea pe ā o’o

atu i lotoā fa’ale a’oa’oga.leotele atu i le aufai

Polokiki,ma Upufai o le Setete Niu Sa Uelese,i le tāua o

le galuega o lo’o feagai ma faiaoga,aemaise i le tau

fa’atonutonufolau o amioga ma uiga


International borders closed until June 2021

Ua fa’atumauina pea le fa’ai’uga a le Faiga Malo

Maualuga(Federal Govt)a Ausetalia le tapunia fa’aauau

o ona tua’oi,i femalaga’iga fa’avāo Malo(International

borders)seia aulia Iuni 2021,ona o le manua’e malosi o

le fea’avea’ina,ma le pipisi pea o le Fa’ama’i COVID-19,i

atunu’u tetele o le lalolagi,pei o Amerika,Peretania ma

atunu’u Europa,Aferika ma Sasa’e Tutotonu po’o le

Middle East.Nai aso ua mavae na fai ai lenei lapata’iga

fa’alauiloa,ua atoa ai le 15 masina talu ona tapunia

femalaga’iga fa’avāo Malo a Ausetalia ma le

Lalolagi.Fa’aalia fo’i le taofia uma o tagataānu’u

Ausetalia,ona tu’ua le atunu’u se’i vaganā ua tu’uina

mai se iōega,ona o se mafua’aga alagātatau e malaga

ai.Saunoa le Minisita Soifua Maloloina,Faiga Malo

Maualuga(Federal)Greg Hunt,le lagolagoina malosi e le

Kovana Sili(Governor-General)le tāua le ola maloloina o

le tagata soifua,ua matuā tatau ai ona fa’amamalu

lenei taofiga,ma tu’uina le malosi’aga fa’ale Pulega a le

Malo,e ūia ai ala ma fuafua’aga talafeagai tonu,e

taumafai e tapē ma titina ai le Fa’ama’i COVID-

19.Fa’aalia le lē fiafia o le Komisi o Tagata Tafafao

Maimoa,ma Oloa Fa’atau i Fafo o Ausetalia(Australia

Tourism and Export Council)tatau i le Faiga Malo

Maualuga,ona fa’ata’atia mai se alafua mo le toe

tatalaina o tua’oi faimalaga ma le Lalolagi,aemaise lea


ua fa’agasolo le fa’atinoga o le Tui Puipui mo le COVID-

19(Vaccine)E 40,000 tagataānu’u Ausetalia o lo’o taofia

ma saisaitia i atunu’u mamao talu mai le amataga o le

Fa’ama’i,12 masina ua mavae atu


Companies told to return JobKeeper

Ua fa’atonuina malosi e le Faiga Malo

Maualuga(Federal Govt)nisi o Kamupanī iloga a le

atunu’u,ia toe fa’afo’i vave uma Tupe na fa’amatu’uina

atu,i le vaitau na fa’atupulaia ai le fa’amaloloina o le

to’atele o Tagata Ausetalia mai galuega,ona o le

Fa’ama’i COVID -19.Fa’amatalaina e i latou atamamai

masani i mataupu fa’apea,iā latou faitioga ma

fa’aseā,ua mafiafia le mana’otele,ma fa’atinoga i auala

sēsē e nei kamupanī tetele,le fuafuaga amiotonu a le

Faiga Malo,mo le fesoasoani i tagata faigaluega lautele

a le atunu’u,i taimi tonu na matuā femēmēa’i ai Aiga

ta’itasi,ina ua fa’aselemutu galuega ma le tupe maua.

Se tasi o fa’anoanoaga,pei ona saunoa le Minisitā o

Alagatupe Maua a le Faiga Malo Maualuga, Treasurer

Josh Frydenberg,le fa’alauiloina o a latou miliona o

Tupe Fa’asili po’o Porofiti,fa’apea le Tufatufaina o Tupe

Māmā mo le Aufaisea po’o Shareholders.Nisi o

Kamupani Tetele o lo’o lisiina i Vaega o Pisinisi mo

Fefa’ataua’iga(Sharemarket)ua fa’ailoaina le utagiaina

o nei fautuaga.Fa’aalia e Pulega o nei Kamupani,sa le’i i

ai se mafaufauga e ausia ni Tupe Fa’asili,aemaise le

taimi na tetele ma malosi ai le Fa’ama’i COVID-19,ua

fa’atulaga nei le toe vaai o Pulega,i le toe fa’aolaina o

Tupe(JobKeeper)na fa’aaoga sese.Fa’amatalaina o nisi

o Kamupanī e pei o Harvey Norman,Athletes Foot-


Owner Accent Group,o lo’o fa’amaāā pea i le taofiofi o

le tupe mo Tagata Faigaluega(JobKeeper)i le taimi nei,e

le’i fa’ailoa mai se taimi e toe tototgi ai nei tupe.Nisi

nei o Kamupanī ua tā’ua i le Ripoti:

Qantas,AP Eagers,Crown,Star Group,Event Hospitality

Southern Cross,Premier Investments,Accent

Group,Harvey Norman Sims ma le ARB.


Aged care staff levels’harmful’

Ua fa’aiti’itia ma lē lava tagata faigaluega i Nofoaga mo

le Tausiga o Tagata Matutua,aetainane le lē saogalemū

pei ona alia’e mai i Saili’iliga ma Su’esu’ega i Ta’utinoga

a Tagata Faigaluega.Ina ua fa’ailoa aloa’ia mai le Ripoti

Fa’atuatuaina(Royal Commission Report)i le ma’ema’eā

ma le tausiga pei ni pologa,o tamā ma tinā matutua i

Nofoaga o Tausiga o Tagata Matutua,aemaise le

fa’atinoga o le tausiga i ala e feso’ota’i mo mana’oga

masani o matua.Mafua’aga lea ua le mau ai le afa a le

Iuni Tu’ufa’atasi Tagata Faigaluega-United Workers

Union,e matuā fofola mai le anoanoa’i o fa’aletonu

matu’iā i le utiuti ma lē lava tagata faigaluega,a

Kamupanī e u’umia sa’oloto Nofoaga Tagata

Matututa,ae maoa’e le tele o galuega e feagai ma i

latou i aso uma,mafua’aga lea o le leai o se lagona

fa’amaoni,ma so’o na fai nai Matutua Matutua.Fa’aalia

le maualalo o totogi o i latou e galulue i nei

galuega,aemaise le solitulafono o nei Kamupani,ona e

lē lava tagata e tatau ona fa’a faigaluina e tusa ma

Tu’utu’uga ma Aiaiga fa’ale tulafono.Fa’amatalaina e

Carolyn Smith,Fa’atonu o Iuni Tagata Faigaluega,ua le

maua se saogalemū o nai Matua Matutua i le tausiga i

nei Nofoaga,auā o le 20% pasene o tagata faigaluega,e

ta’i lua galuega e galulue ai.Ta’utino tagata faigaluega,e

le taitai ona lava le taimi e fa’atino ai o latou tiute,ma


talanoa i nai matua ma o latou mana’oga i taimi

uma.Ta’ua fo’i le popole o Tagata matutua e fa’atatagi

pe oomi le logo mo se fesoasoani.


Knights try leading men

Fa’amautūina mai e le Kalapu Lakapi Liki a le Newcastle

Knights,se metotia fou mo 2021 i le fa’atāuaina o ana

tama ta’aalo e i ai uiga fa’ata’ita’i,fa’apea le umi o ō

latou taimi i le Kalapu,e fesuisuia’i ma fa’asoa i ai le

Tulaga Kapeteni,e limata’ita’iina ai le Osofa’iga o lenei

Tausaga,pe maua ai se isi suiga fou i le Ta’amilosaga

NRL.Ua pale mai le alo Samoa o Daniel Saifiti,na te

Kapeteniina le Newcastle Knights i ta’aloga muamua o

le 2021.Fa’amatalaina e le ali’i Faiaoga Ulu o Adam

O’Brien,ua talafeagai tonu ma le ausia o le 100 ta’aloga

a lenei tamafanau Samoa,Daniel Saifiti i lona lava

malae,aemaise le aumaimoa a le Knights,fa’apea si ona

Aiga ma Uō.Saunoa O’Brien,o Saifiti o se tama ta’alo,e

loloto ona lagona o’otia,e galulue va’ava’alua ma lana

fa’atinoga i luga o le malae ta’alo.O Daniel Saifiti na

soifua mai i Newcastle,i matua Samoa ma Fiti.Talosia

lenei la’asaga fou i le soifuaga ta’alo o lenei Tamafanau

Samoa,i lona filifilia e avea ma Kapeteni o leNew Castle

Knights.O ia o se sui o le laina i luma a le NSW Blues

ORIGIN 2021,ina ua filifilia e Brad Fittler.


Panther cub turns back on premiers

E le faigofie ona e fulitua ma tete’e atu i se Tauofoga,

mo se Feagaiga Ta’alo mai se Kalapu Iloga ma le

Siamupini,aemaise se Faiaoga e tu mauti’eti’e lona Tala

Fa’asolopito i le Lakapi Liki-NRL.E mana’omia le loto toa

e tali ma toe fa’afo’i ai le fa’aaloalo.O le gaioiga tonu

lea na ūia e le alo talenia alualuiluma Samoa,o Spencer

Leniu,i lona toe fa’afo’i ma le tali fa’aaloalo iā Graig

Bellamy,Faiaoga o le Melbourne Storm.Fa’afetai tele

mo lenei avanoa fa’aauro,ou te fia nofo pea i le Penrith

Panthers.Fa’aali fo’i le a Tauofoga a le Canterbury

Bulldogs,$500,000 i le tausaga,fa’apea le St George

Illawarra mo le 2022 ma luma atu,ae o le Feagaiga

silisili ona maualuga,o le Melbourne Storm.Fa’amatala

e Leniu,ua talanoa so’o ma Bellamy i le ZOOM i le

tausaga ua mavae,i lona taumafai e fa’atosina atu e

ta’alo mo le Storm.Ta’utino lenei alo Samoa na fanau i

Aukilani,ae na soifua a’e i Mount Druitt,na ia fa’ailoa ia

Graig Bellamy,e taumulimuli i lona lagona maumautūtū

ma lona fatu,e tumau iā Penrith.Taimi nei ua mae’a

ona sainia le Feagaiga Ta’alo ma le Panthers,ina ua

si’itia maualuga le aofa’iga o le Konekarate,seia aulia le

tausaga 2023.Ta’utino Leniu e matuā leai lava sona

lagona,e afe ane se manatu,o le Melbourne Storm mo

lona tama ta’alo fa’atauva’a,ae le gata i lea le tele o

moemitiga a so’o tama ta’alo Lakapi Liki,e faiaogaina e


Graig Bellamy.Ripotia mai le fa’amautuina e le Storm le

Feagaiga Ta’alo a se tasi alo Samoa,le pou malosi

Nelson Asofa-Solomona mo le 2022,ma ona tala

atu.Maoa’e fa’amanuiaga a Le Atua i nai alo ma fanau

Samoa i taleni ta’alo.

1 view0 comments

Recent Posts

See All
bottom of page